Tulad ng Bakal na Nagpapatalim ng Bakal
May tao ka bang hindi makasundo na halos di mo na alam ang gagawin? Si Ellen ay may hindi kinakalawang na aserong aralin na iniaalok.
Kung saan ako nakatira sa timog kanlurang disyerto ng Estados Unidos, mayroon kaming karaniwan na pag ulan ng 7 pulgada sa isang taon, kaya umaasa kami sa pagkuha ng aming tubig mula sa isang malalim na balon. Kinailangan ng mga naghuhukay ng balon na magbutas ng 600 talampakan sa lupa para makahanap ng tubig sa aming ari-arian. Ligtas itong inumin, at lubos kaming nagpapasalamat na mayroon itong pinagmulan, ngunit ito ay napakahirap na tubig na puno ng mineral. Dahil dito, nag iiwan ito ng latak magsakaltsiyum sa lahat ng ating mga tubo, mga nakakabit sa lababo, at sa mga ulo ng dutsa.
Tuwing may isang magpapakulo ng tubig, isang puti at parang tsok ang naiiwan na bumabalot sa palayok. Kung hindi ito makukuha o maaalis ng pagkukuskos, papatong at dadagdag ang susunod na mga maiipon na parang tsok sa bawat kasunod na pagpapakulo hanggang sa magkaroon ng isang makapal na patong ng magsakaltsiyum na mineral na kinakailangang gumamit ng isang pait upang alisin ito at isang napaka hirap at maraming trabaho upang matanggal ito. Natutuhan namin sa paglipas ng mga taon na gumamit lamang ng hindi kinakalawang na asero o kast na yar isa bakal na lutuan para makuskos namin nang husto para matanggal ang mineral na naipon. Sa bawat lababo sa kusina, may panguskos na hindi kinakalawang na asero na ginagamit naming para sa layuning ito dahil, tulad ng sinasabi ng isa sa mga miyembro ng komunidad dito: “Maaarimo lamang linisin ang hindi kinakalawang na asero ng hindi kinakalawang na asero.”
Minsan kapag ginagawa ko ang mga kaldero at kawali, naiisip ko ang kasabihang nagsasabing: “Tulad ng bakal na nagpapatalim ng bakal, at ang isang tao na nagpapatalim ng mga talino ng iba.” (Kawikaan 27:17) Iniisip ko kung paano ginagamit ng Diyos ang mahihirap na tao sa ating buhay upang linisin tayo at kinisin ang ating magaspang na mga gilid. Isang pari ang minsang nagsabi: “Kung nais mong maging Santo: asahan mong may makakasama ka sa pamumuhay na mahirap pakisamahan” Dapat mong asahan ang ganoong uri ng pagdurusa at gawin ang lahat ng pagsisikap na magmahal.”
Mga Aral na Pinaghirapan
Naalala ko ang isang taong kinailangan kong makatrabaho ng matagal. Hindi niya ako nagustuhan at nagsasalita siya ng masama tungkol sa akin sa aking likuran. Siya ay masungit at sumpungin at mahirap para sa akin na mahalin. At aaminin ko, hindi ko rin naman nagawa ang pagiging mapagmahal sa kanya. Ang kanyang pag uugali ay nagpalabas ng ilan sa mga pangit at kasalanan sa aking puso, at ako ay nagmaktol at nagreklamo tungkol sa kanya sa ilan sa aking pinakamalapit na mga kaibigan.
Matapos ang mahabang panahon nito, sinimulan kong ipagdasal ang sitwasyon. Nadama ko na sinasabi sa akin ng Panginoon na may ilang aral siyang ituturo sa akin sa mahirap na relasyong ito kung bukas ako sa pakikinig sa mga ito. Nang sikapin kong makinig sa Diyos sa mga sumunod na linggo, nagulat ako nang mapagtanto ko na ginagamit ng Panginoon ang taong ito para gawin ako! Naisip ko noon pa man na ang taong ito ang problema at kailangan ng seryosong trabahuhin ng Diyos. Ngunit sinasabi sa akin ng Panginoon sa aking panalangin: “Tigilan mo na ang pagtuon sa kanyang mga pagkakamali. Ako na ang bahala sa kanya. Tayo, ikaw at ako, kailangang magtrabaho para sa ilan sa iyong mga pagkukulang.” Napaka pagpakumbaba, di man sabihin.
“Kung paanong ang bakal ay nagpapatalim ng bakal, gayon din naman ang isang tao ay nagpapatalim sa isa pa.” Habang mas malinaw kong nakita na ginagamit ng Panginoon ang taong ito upang palinawin ang ilan sa aking pagiging makasalanan upang maikumpisal ko ito at baguhin ang aking sarili, binago nito ang paraan ng pakikipag ugnayan ko sa lalaki. Unti unti kong sinimulan ang pagbabago ng aking pag uugali at paraan ng pag iisip, at sa pagbabalik tanaw ko ngayon, nakikita ko na naging mas mahusay at mas mabait akong tao dahil sa relasyong iyon.
Isipin ang isang tao na mahirap para sa iyo na makasundo ngayon. Dalhin ito sa panalangin at hilingin sa Panginoon ang Kanyang pananaw tungkol dito. Nakikita Niya ang buong sitwasyon at alam Niya ang mga kailangang mangyari. Bibigyan ka Niya ng karunungan at ipakikita sa iyo ang daan pasulong. Pero baka magulat ka lang sa mga sagot ng Panginoon.
Ellen Hogarty ay isang spiritual director, manunulat at full-time na misyonero sa Komunidad ng Lord's Ranch. Alamin ang mas higit pang gawain nila tungkol sa ginagawa nila sa mga mahihirap sa: thelordsranchcommunity.com
Latest Articles
Isang mag-asawa sa United Kingdom ang gulat na gulat ng matuklasan na ang kanilang mahalagang palamuti sa hardin na mahigit 40 taon na ay isa pa lang buhay na bomba! Noon pa man ay inisip nila na ang kabibi ay isang hindi nakakapinsalang relikya, isang 'manika' na ginagamit sa mga pagsasanay sa hukbong dagat. Ngunit isang mapagpalang umaga, kumatok ang mga pulis sa kanilang pintuan. Hindi nagtagal, dumating ang pangkat ng bomba, at kinailangan ng mag asawa na harapin ang mapaminsalang katotohanan. Sa kabila ng panganib, tumanggi silang lumikas, na nagsasabi: "Hindi kami aalis. Pagtitiisan namin ang kahihinatnan." Mabuti na lamang at minimal lang ang pagsabog ng bomba, at ligtas itong naihatid sa isang tibagan , kung saan ito ay pinasabog sa ilalim ng isang tambak ng buhangin. Ang nakakasakit na kuwentong ito ay mabisang paalala na kahit ang mga bagay na mahal natin, ang mga bahagi ng ating buhay na itinuturing nating prestihiyoso, ay maaaring makapinsala. Ang kasalanan, tulad ng bomba, ay maaaring magbalatkayo bilang kaakit akit at kanais nais, ngunit sa huli ay humahantong ito sa pagkawasak. Kahit na napagtanto natin ang pagkasira nito, likas sa atin ang hindi pag atras at tanggihan ang panganib na iyon. Ang pag-iwas sa masasamang hilig ay nakakatakot, ngunit dapat nating mapagtanto na ito lamang ang tanging paraan para makamit ang tunay na kalayaan at kapayapaan. Sa pagninilay natin sa kuwento ng mag asawang ito, suriin natin ang ating buhay. Ano ang hawak natin na maaaring makapinsala sa atin? Anong 'nagbabadyang sumabog na parang bomba' ang binabalewala natin, akala natin hindi sila nakakapinsala
Noong taong 1240, si Emperador Frederick II ng Sweden ay nakipagdigma sa Papa, at ipinadala niya ang kanyang mga mandirigma upang salakayin ang Italya. Nagpasya ang malulupit na sundalo na pasukin ang kumbento ng San Damiano, na matatagpuan sa hangganan ng bayan ng Assisi. Dito naninirahan si Inang Clare at ang mga madre sa kanyang pangangalaga. Natakot ang mga kawawang madre at agad na sumugod sa kanilang Ina upang ibahagi ang balita Nakaratay si Inang Clare, ngunit sa tulong ng mga madre bumangon siya at mahinahong pumunta sa kapilya. Nagpatirapa sa harap ng Eukaristiya, lumuluha siyang nanalangin sa Diyos na protektahan ang mga kapatid na walang magawa. Biglang, narinig niya ang isang tinig mula sa tabernakulo: “Palagi kitang poprotektahan!” Puno ng kumpiyansa at pagtitiwala, kinuha niya ang siboryum na naglalaman ng Banal na Sakramento at humarap sa mga mananakop. Nang itinaas niya ito sa harap nila, ang mga sundalo ay nataranta at lubos na natakot. Agad silang tumakas sa kumbento, tinalikuran ang kanilang masasamang pakana. Sa mga madre, isang malaking aral ang hindi natitinag na debosyon ng kanilang ina sa Banal na Eukaristiya. Si Santa Clare, sa kanyang malaking pagpapakumbaba, ay nagbilin sa mga madre na huwag ihayag ang tinig na narinig nila mula sa Banal na Sakramento hanggang sa pagkamatay niya. Tayo, sa inspirasyon ni Santa Clare, ay lumago sa ating debosyon kay Hesus sa Eukaristiya at ilagay ang ating buong pagtitiwala sa Kanya.
“Mama, huwag mong hayaang mawala sa akin ang pagkakataong makamit ang Langit nang napakadali at sa maiksing panahon,” wika ng 12-taong-gulang na si José sa kanyang ina. Noon ay 1926. Ang mga Mexicanong Katoliko ay pinag-uusig dahil sa kanilang pananampalataya—ang mga simbahan at mga paaralan ng parokya ay isinara, ang mga pari ay pinapatay, at ang mga ari-arian ay kinukuha. Sa bandang huli ay ipinagbawal ng gobyerno ang pampublikong pagsasagawa ng Katolisismo at ginawang ilegal ang mga panata sa relihiyon. Nagsama-sama ang mga magsasaka mula sa sentral at kanlurang estado ng bansa upang pangalagaan ang Simbahan, at sumiklab ang Digmaang Cristero. Ang mga kapatid na lalaki ni José ay itinala sa hukbo, ngunit siya ay hindi pinayagan ng kanyang ina. Subalit siya ay walang humpay kaya't napilitang bumigay ang ina sa mga paulit-ulit na pagsusumamor na 'makapunta sa Langit nang madalian.’ Nagsimula siya bilang tagapagdala ng bandila ng tropa at di nagtagal ay binansagan siyang Tarcisius, pagkatapos sa sinaunang Kristiyanong Santo na pinatay dahil sa pagtanggol sa Eukaristiya laban sa kalapastanganan. Tumaas ang kanyang ranggo bilang pangalawa ng Heneral, at pagkatapos ay naging tagatugtog ng korneta, nakasakay sa kabayo kasama nito sa pakikipaglabanan at naghahatid ng mga atas. Nang maglaon, si José ay nabihag ng mga sundalo ng pamahalaan at pinilit na itakwil ang kanyang pananampalataya.. Ipina-panood sa kanya ang pagbitay ng isang kapwa Cristero, ngunit lalo lamang inudyukan ito ng batang si José sa kanyang pagkamartir. Sa galit, tinanggal ng mga sundalo ang mga talampakan niya at pinilit siyang palakadin sa mga lansangan na nababalutan ng graba. Sa matinding sakit, ang batang ito ay nagrosaryo para sa mga nananakit sa kanya. Inawit niya ang mga awit ng ating binibini ng Guadalupe at ipinahayag ang kanyang pananampalataya nang malakas, kahit pa ilang ulit siyang nadapa sa kalye. Si José ay sumulat ng ilang liham sa kanyang ina na nagsasabi na masaya siyang magdusa para kay Kristo. Inalok siya ng mga sundalo ng kalayaan kung ipahayag niya: “Kamatayan kay Kristong Hari,” at ang pagtanggi niya ay nagbunga ng nakamamatay na pagpapahirap. “Hinding-hindi ako susuko. Vivo Cristo Rey Santa Maria de Guadalupe,” sabi ni José habang hinuhugot ang huli niyang hininga.
T - Kamakailan lamang nitong taon, ang kapatid kong lalaki ay ikakasal ng palingkurang huwes sa ibang lalaki. Ako’y napakalapit sa aking kapatid, ngunit alam ko na ang pag-aasawa ay para sa isang lalaki at isang babae. Mapapayagan ba akong dumalo sa kanyang kasal? S - Itong tanong ay nagiging malaganap na nakagigipit, pagkat napakarami sa ating mag-anak at mga kaibigan ay sinusunod ang mga pamumuhay na sumasalungat sa pinagtibay na layon ng Diyos para sa ating katuparan. Ang ganitong uri ng pag-aalinlangan ay nakasasanhi ng lubusang pagkaligalig dahil nais nating mahalin ang ating mag-anak at maalalayan sila, kahit ayaw nating sumang-ayon sa mga kapasyahan nila. Kasabay nito, hindi natin maaaring ipagkanulo ang alam nating totoo, sa paniwala natin na ang kalooban ng Diyos ay patungo sa mapananaligang kasiyahan. Ang Katekismo ng Simbahang Katolika (Talataang 1868) ay tinatalakay ito kapag ang pag-uusapan ay hinggil sa mga paraan na tayo ay maaaring makipagtulungan sa makasalanang pasya ng isang tao. Tayo ay sumasali sa kasalanan ng isang tao kung ‘pinupuri o sinasang-ayunan' natin ang makasalanang gawain. Sa lagay ng isang taong gumagawa ng pasya sa pamumuhay na laban sa ating pananampalatayang Katolika, ito’y magiging nauunawaang mali para sa atin na sa anumang paraa'y pararangalan o ipagdiriwang ang kapasyahang ito, na sa huli’y makasisira sa kaugnayan nila sa Diyos at inilalagay ang kanilang kaligtasan sa panganib. Kaya ano ang pinakamabuting paraan ng pagkilos? Ipagbibilin ko na magkaroon ka ng matapat na pakikipag-usap sa iyong kapatid na lalaki. Ibahagi mo ang iyong taos na pagamahal sa kanya, at ninanais mong ituloy ang ugnayang ito na manatiling malapit. Kasabay nito, ipaalam mo sa kanya kung paano ang iyong pananalig at budhi ay tinuturuan ka na ikaw ay hindi makasasang-ayon sa mga bagay na alam mong hindi tama. Huwag kang dadalo sa kasalan, magpadala ng handog, o parangalan siya, ngunit tiyakin na mapaalam sa kanyang nariyan ka pa rin para sa kanya. Bigyang-diin na hindi dahil sa 'suklam' o 'panghahamak' kaya hindi ka makadalo sa kasalan, ngunit gawa ng matatag at walang-maliw na paniwalang ang Diyos ay nilikha ang pag-aasawa bilang isang bagay na banal para sa isang lalaki at isang babae. Ito ay maaari o hindi maaaring magsanhi ng away o di-pagkakasundo sa inyong pamilya. Ngunit hindi natin dapat malimutan kailanman na si Hesus ay nangako: “Hindi magdadala ng kapayapaan, ngunit ng tabak.” Sinabi Niyang dapat tayong sumunod sa Kanya higit pa sa anupamang kaugnayan, kasama na yaong sa pamilya at mga kaibigan. Ito’y totoong isa sa Kanyang mga mabibigat na mga aral, ngunit ginugunita natin na ang katotohanan at pag-ibig ay hindi nagsasalungatan kailanman, at upang mamahal mo nang totoo ang iyong kapatid, dapat mong mahalin siya ayon sa katotohanan na ipinahahayag ni Kristo. Kailanma’y huwag malimutan, pati na rin, ang kapangyarihan ng pagdarasal at pag-aayuno. Magdasal at mag-ayuno bago sa pakikipag-usap mo sa iyong kapatid upang ang kanyang puso ay maging bukás sa iyong mabuting kalooban, at magdasal at mag-ayuno pagkaraan ng pakikipag-usap nang sa gayo'y maranasan niya ang taimtim na pagbabagong-loob kay Kristo, na kung Sino lamang ang nakapagpapalugod ng makataong puso. Huwag kang matakot sa pagpili mo kay Kristo bilang higit pa sa iyong kamag-anakan—kasama at sa pamamagitan ni Kristo--maging anuman ang pagtauli ng iyong kapatid. Huwag kang matakot, ngunit ipagpatuloy ang magmahal sa katotohanan.
Want to be in the loop?
Get the latest updates from Tidings!