ESPESYAL NA PANAYAM: MULA SA PUSO NG INA NG ISANG SANTO
Isang Eksklusibong Panayam kay Antonia Salzano, ina ng Pinagpalang Carlo Acutis ni Graziano Marcheschi, ang Nag-aambag na Patnugot ng Shalom Tidings
Sa edad na pito ay isinulat niya, “Ang plano ko sa buhay ay maging palaging malapit kay Jesus.”
Pagsapit niya sa edad na labinlimang taong gulang, ay umuwi na siya sa Panginoon na kanyang minahal sa kanyang buong maikling buhay.
Sa pagitan, ay ang kahanga-hangang kuwento ng isang pambihirang ordinaryong batang lalaki.
Ordinaryo, dahil hindi siya isang namumukod tanging atleta, o isang guwapong bituin sa pelikula, o kahit na isang napakatalino na iskolar na nagtapos ng graduate school kung habang ang ibang mga bata ay nahihirapan sa junior-high. Mabait siyang bata, mabuting bata. Napaka-talino, para makasigurado: sa edad na siyam ay nagbasa siya ng mga aklat-aralin sa kolehiyo para turuan ang sarili ng computer programming. Ngunit hindi siya nanalo ng mga parangal, o nakaimpluwensya sa mga tao sa Twitter. Iilan sa labas ng kanyang sirkulo ang nakakaalam kung sino siya—isang nag-iisang anak, nakatira kasama ang kanyang mga magulang sa hilagang Italy, na nag-aaral, naglalaro ng isports, nasisiyahan sa kanyang mga kaibigan, at marunong humawak ng joystick.
Hindi kapansin-pansin ngunit Pambihira
Bilang isang musmos na bata umibig siya sa Diyos at mula noon, namuhay siya nang may iisang pokus, na may pagkagutom sa Diyos na kakaunti lamang ang naka kamit. At sa oras ng pag-alis niya sa mundong ito ay nakagawa na siya ng hindi maaalis na marka dito. Isang batang lalaki na laging nasa isang misyon, hindi siya nag-aksaya ng oras. Kapag hindi makita ng mga tao ang kanyang nakita, maging ang kanyang sariling ina, tinutulungan niya silang imulat ang kanilang mga mata.
Sa pamamagitan ng Zoom, kinapanayam ko ang kanyang ina, na si Antonia Salzano, at hiniling ko sa kanya na ipaliwanag ang kanyang pagkagutom sa Diyos, na kahit si Pope Francis ay inilarawan bilang isang “maagang umunlad na pagkagutom”?
“Ito ay isang misteryo para sa akin,” sabi niya. “Ngunit maraming mga santo ang may espesyal na kaugnayan sa Diyos mula sa murang edad, kahit na ang kanilang pamilya ay hindi relihiyoso.” Ang ina ni Carlo ay hayagang nagsalita tungkol sa pagdalo sa Misa ng tatlong beses lamang sa kanyang buhay bago siya sinimulang hilahin ni Carlo doon noong siya ay tatlo at kalahati pa lang. Anak ng isang tagapaglathala, naimpluwensyahan siya ng mga artista, manunulat, at mamamahayag, hindi ng mga papa o mga santo. Wala siyang interes sa mga bagay ng pananampalataya at ngayon ay sinasabi na siya ay nakatakdang maging isang “kambing” sa halip na isang “tupa.” Ngunit dumating ang kahanga-hangang batang ito na “laging nangunguna—nagsalita siya ng kanyang unang salita ng siya ay tatlong buwan, nagsimulang magsalita ng siya ay limang buwan, at nagsimulang magsulat sa edad na apat.” At sa usapin ng pananampalataya, nauuna siya kahit sa karamihan ng mga nasa hustong gulang.
Sa edad na tatlo, nagsimula siyang magtanong ng mga katanungan na hindi kayang sagutin ng kanyang ina—maraming tanong tungkol sa mga Sakramento, Banal Na Trinidad, Orihinal na kasalanan, at Pagkabuhay. “Nagdulot ito ng isang pakikibaka sa akin,” sabi ni Antonia, “dahil ako mismo ay ignorante bilang isa sa tatlong anak.” Mas nasasagot ng Polish niyang yaya ang mga tanong ni Carlo at madalas siyang kausapin tungkol sa mga bagay ng pananampalataya. Ngunit ang kawalan ko ng kakayahan bilang kanyang ina na sagutin ang kanyang mga tanong, sabi niya, “nabawasan ang aking awtoridad bilang isang magulang.” Nais ni Carlo na makibahagi sa mga debosyon na hindi pa niya nagagawa—paggalang sa mga santo, paglalagay ng mga bulaklak sa harapan ng Mahal na Birhen, paggugol ng maraming oras sa simbahan sa harapan ng krus at tabernakulo.” Nalilito siya kung paano niya haharapin ang maagang maunlad na espirituwalidad ng kanyang anak.
Ang simula ng isang Paglalakbay
Ang hindi inaasahang pagkamatay ng kanyang ama mula sa isang atake sa puso ay umakay kay Antonia na magsimulang magtanong ng kanyang sariling mga katanungan tungkol sa buhay pagkatapos ng kamatayan. Pagkatapos, si Padre Ilio, isang matandang banal na pari na kilala bilang Padre Pio ng Bologna, na nakilala niya sa pamamagitan ng isang kaibigan, ay siyang nag-ayos sa kanya sa isang paglalakbay sa pananampalataya kung saan si Carlo ang magiging pangunahing gabay niya. Pagkatapos niyang sabihin sa kanya ang lahat ng kanyang mga kasalanan sa kanyang buhay bago niya ikinumpisal ang mga ito, ipinropesiya ni Padre Ilio na may espesyal na misyon si Carlo na magiging malaking kahalagahan para sa Simbahan.
Nang maglaon, nagsimula siyang mag-aral ng Teolohiya, ngunit si Carlo ang binibigyang kredito niya sa kanyang “pagbabalik-loob,” na tinawag niyang “kaniyang tagapagligtas.” Dahil kay Carlo, pinahalagahan niya ang milagrong nagaganap sa bawat Banal na Misa. Sa pamamagitan ni Carlo ay naintindihan ko na ang tinapay at alak ay nagiging totoong presensya ng Diyos kasama natin. Ito ay isang kamangha-manghang pagtuklas para sa akin, “sabi niya. Ang kanyang pagmamahal sa Diyos at pagpapahalaga sa Eukaristiya ay hindi isang bagay na itinago ng batang si Carlo sa kanyang sarili. “Ang pagiging espesyal ni Carlo ay ang pagiging saksi,” sabi niya, “… lagi siyang masaya, laging nakangiti, hindi kailanman naging malungkot. ‘Ang Kalungkutan ay ang pagtingin patungo sa iyong sarili;’ Sabi ni Carlo , ‘ang kaligayahan ay pagtingin palabas patungo sa Diyos.’” Nakita ni Carlo ang Diyos sa kanyang mga kaklase at lahat ng nakilala niya. “Dahil alam niya ang presensyang ito, pinatotohanan niya ang presensyang ito,” sabi niya.
Sa pagtanggap ni Carlo araw-araw ng Eukaristiya at banal na Pagsamba, hinanap ni Carlo ang mga walang tirahan, dinadalahan niya sila ng mga kumot at pagkain. Ipinagtatanggol niya ang mga kaklase na binu-bully at tinutulungan niya ang mga nangangailangan ng tulong sa takdang-aralin. Ang isang layunin niya ay “magsalita tungkol sa Diyos at tulungan ang iba pa na mapalapit sa Diyos.”
Samantalahin ang araw!
Marahil dahil naramdaman niyang maikli lang ang kanyang buhay, ginamit ni Carlo ang oras ng mabuti. “Nang dumating si Jesus,” komento ni Antonia, “ipinakita niya sa atin kung paano huwag mag-aksaya ng oras. Ang bawat segundo ng kanyang buhay ay pagluwalhati sa Diyos.” Naunawaan itong mabuti ni Carlo at binigyang-diin ang kahalagahan ng pamumuhay sa ngayon. Samantalahin ang araw!,” ang himok niya, “sapagkat ang bawat minutong nasayang ay isang minutong kakulangan para luwalhatiin ang Diyos.” Kaya naman nilimitahan ng teenager na ito ang kanyang sarili sa paglalaro ng isang oras lamang na video game bawat linggo!
Ang atraksiyon ng karamihan na nakabasa tungkol sa kanya ay agad na naramdaman ang paglalarawan tungkol sa buong buhay ni Carlo. “Mula noong bata pa siya, natural na naaakit sa kanya ang mga tao—hindi dahil siya ay isang batang may kulay asul na mata, kung hindi dahil sa kung ano ang nasa loob,” sabi ng kanyang ina. “Mayroon siyang paraan upang kumonekta sa mga tao na hindi pangkaraniwan.”
Kahit sa paaralan siya ay minamahal. “Napansin ito ng mga amang Heswita,” sabi niya. Ang kanyang mga kaklase ay mapagkumpitensyang mga bata mula sa matataas na klase, na nakatuon sa nagawa at tagumpay. “Natural, maraming selosan sa pagitan ng mga magka-kaklase, pero kay Carlo hindi ito nangyari. Tinunaw niya ang mga bagay na iyon tulad ng mahika; dahil sa kanyang ngiti at kadalisayan ng puso ay nalampasan niya ang lahat. May kakayahan siyang pasiglahin ang mga puso ng mga tao, upang painitin ang kanilang malamig na puso.”
“Ang sikreto niya ay si Hesus. Punong-puno siya ni Hesus—araw-araw na Misa, Adorasyon bago o pagkatapos ng misa, debosyon sa Kalinis-linisang Puso ni Maria—na namuhay siya kasama si Hesus, para kay Hesus, at kay Hesus.
Isang Patikim ng Langit
“Talagang nadama ni Carlo ang presensya ng Diyos sa kanyang buhay,” sabi ng kanyang ina, “at lubos nitong binago ang pagtingin ng mga tao sa kanya. Naiintindihan nila na may kung anong espesyal dito.”
Ang mga estranghero, mga guro, mga kaklase, isang banal na pari, lahat ay kumilala na may kung anong kakaiba sa batang ito. At ang katangi-tanging iyon ay higit na nakita sa kanyang pagmamahal sa Eukaristiya. “Habang mas tumatanggap tayo ng Eukaristiya,” sabi niya, “mas magiging katulad tayo ni Hesus, upang sa lupa pa lamang ay magkaroon na tayo ng patikim ng Langit.” Buong buhay niya ay nakatingin siya sa Langit at ang Eukaristiya ang kanyang “kalsada patungo sa langit… ang pinaka supernatural na bagay na meron tayo,” sinasabi niya. Mula kay Carlo, nalaman ni Antonia na ang Eukaristiya ay espirituwal na pagkain na tumutulong upang madagdagan ang ating kakayahang mahalin ang Diyos at kapwa—at lumago sa kabanalan. Ang laging sinasabi ni Carlo noon ay “kapag nakaharap tayo sa Araw ay namumula tayo, ngunit kapag tayo ay nakatayo sa harap ni Hesus sa Eukaristiya tayo ay nagiging mga banal.”
Isa sa mga pinakakilalang nagawa ni Carlo ay ang kanyang website na nagsasalaysay ng mga milagro sa Eukaristiya sa buong kasaysayan. Ang isang exhibit na binuo mula sa website ay patuloy na naglalakbay sa mundo mula sa Europa hanggang Japan, mula sa US hanggang China. Bukod sa kahanga-hangang bilang ng mga bisita sa eksibit, maraming mga himala ang naidokumento, kahit na hindi kasing halaga sa marami nitong naibalik sa mga Sakramento at sa Eukaristiya.
Proseso ng Pagbabawas
Si Carlo ay pinagkalooban at ang kanyang kanonisasyon ay tiyak na, habang hinihintay ang pagpapatunay ng pangalawang himala. Ngunit mabilis na ipinunto ni Antonia na si Carlo ay hindi magiging kanonisado dahil sa mga himala kundi dahil sa kanyang Banal na buhay. Ang kabanalan ay natutukoy sa pamamagitan ng pagsaksi sa buhay ng isang tao, sa kung gaano nila ipinamuhay ang mga birtud—pananampalataya, pag-asa, pag-ibig sa kapwa-tao, kabaitan, katarungan, pagtitimpi, at katatagan ng loob. “Isabuhay ang mga birtud nang buong kabayanihan”—na ang Katesismo ng Katolikong Simbahan ay tumutukoy bilang ‘isang nakagawian at matatag na disposisyon na gumawa ng mabuti’—ay siyang gumagawa ng mga santo.”
At iyon mismo ang pinagsikapang gawin ni Carlo. Siya ay madalas na madaldal, kaya nagsumikap siya na hindi gaanong magsalita. Kung napapansin niya ang kanyang sarili na labis na nagpapakasasa, sisikapin niyang kumain ng mas kaunti. Gabi-gabi, sinusuri niya ang kanyang konsensya tungkol sa kanyang pakikitungo sa mga kaibigan, mga guro, mga magulang. “Naunawaan niya,” sabi ng kanyang ina, “na ang pagbabalik-loob ay hindi isang proseso ng pagdaragdag, kundi ng pagbabawas.” Isang malalim na pananaw para sa isang napakabata. At kaya nagsumikap si Carlo na alisin sa kanyang buhay ang bawat bakas ng maliliit na kasalanan. “Hindi ako, kundi ang Diyos,” ang sinasabi niya. “Kailangang mabawasan ko ang pagkamakasarili para makapag-iwan ako ng mas maraming puwang para sa Diyos.”
Ang pagsisikap na ito ay nagpabatid sa kanya na ang pinakamalaking labanan ay nasa ating sarili. Ang isa sa kanyang pinakakilalang sipi ay nagtatanong, “Ano ang kahalagahan kung manalo ka sa isang libong laban kung hindi ka mananalo laban sa sarili mong mga tiwaling hilig?” Ang pagsusumikap na paglabanan ang mga depekto“ na nagpapahina sa atin sa espirituwal,” sunod ni Antonia, “ay ang puso ng kabanalan.” Bata pa man siya, alam ni Carlo na ang kabanalan ay nakasalalay “sa ating mga pagsisikap na labanan ang mga tiwaling hilig na nasa loob natin dahil sa Orihinal Sin.”
Isang Nakagigimbal na Pananaw
Siyempre, ang pagkawala ng kanyang nag-iisang anak ay isang malaking krus para kay Antonia. Ngunit sa kabutihang palad, sa oras na mamatay siya, natagpuan na niya ang kanyang daan pabalik sa kanyang pananampalataya at nalaman na “ang kamatayan ay isang daanan sa totoong buhay.” Sa kabila ng dagok ng pagkaalam na mawawala sa kanya si Carlo, noong nasa ospital siya, ang mga salitang umalingawngaw sa kanyang kalooban ay yaong mula sa Aklat ni Job: “Si Yahweh ang nagbibigay, Siya rin ang kukuha. Purihin si Yahweh!.” ( Job 1:21 ).
Pagkatapos ng kanyang kamatayan, natuklasan ni Antonia ang isang video na ginawa ni Carlo tungkol sa kanyang sarili sa kanyang Kompyuter. Bagama’t wala siyang alam sa kanyang leukemia noon, sinabi niya sa video na kapag bumaba ang kanyang timbang sa pitumpung kilo, mamamatay siya. Kahit papaano, alam niya. Gayunpaman, nakangiti siya at nakatingin sa langit habang nakataas ang mga braso. Sa ospital, pinabulaanan ng kanyang kagalakan at kapayapaan ang isang nakagigimbal na pananaw: “Tandaan,” sinabi niya sa kanyang ina, “Hindi ako aalis sa ospital na ito nang buhay, ngunit bibigyan kita ng maraming, maraming palatandaan.”
At ang mga senyales na ibinigay niya—isang babaeng nagdasal kay Carlo sa kanyang libing ay gumaling sa breast cancer nang walang kemoterapyai. Isang 44-anyos na babae na hindi pa nagkakaroon ng anak ang nanalangin sa libing at pagkaraan ng isang buwan ay nagbuntis. Maraming pagbabalik-loob ang naganap, ngunit marahil ang pinaka-espesyal na himala “ay ang para sa ina,” sabi ni Antonia. Sa loob ng maraming taon pagkatapos ng kapanganakan ni Carlo, sinubukan ni Antonia na magbuntis uli upang magkaroon pa ng ibang mga anak ngunit hindi ito nagtagumpay. Pagkatapos ng kanyang kamatayan, si Carlo ay dumalaw sa kanya sa isang panaginip na nagsasabi sa kanya na siya ay magiging isang nanay uli. Sa edad na 44, sa ika-apat na anibersaryo ng kamatayan ni carlo, ipinanganak niya ang kambal—sina Francesca at Michele. Tulad ng kanilang kapatid, parehong dumadalo sa Misa araw-araw at nagdadasal ng Rosaryo, at umaasa na balang araw ay matulungan nila ang misyon ng kanilang kapatid.
Nang tanungin ng kanyang mga doktor kung may masakit ba sa kaniya, sumagot si Carlo na “may mga taong mas naghihirap kaysa sa akin. Iniaalay ko ang aking pagdurusa para sa Panginoon, sa Papa (Benedict XVI), at sa Simbahan.” Namatay si Carlo tatlong araw pagkatapos ng kanyang pagsusuri. Sa kanyang huling mga salita, sinabi ni Carlo na “Mamamatay ako na masaya dahil hindi ako gumugol ng anumang minuto ng aking buhay sa mga bagay na hindi mahal ng Diyos.”
Naturalmente, nananabik sa pagaalaala ni Antonia ang kanyang anak. “Nararamdaman ko ang pagkawala ni Carlo,” ang sabi niya, “pero sa ilang mga paraan, nararamdaman kong mas naririto si Carlo kaysa dati. Nararamdaman ko siya sa isang espesyal na paraan—sa espirituwal. At ramdam ko din ang inspirasyon niya. Nakikita ko ang bungang dulot ng kanyang halimbawa sa mga kabataan. Ito ay isang malaking kasiyahan para sa akin. Sa pamamagitan ni Carlo, ang Diyos ay lumilikha ng isang obra maestra at ito ay napakahalaga, lalo na sa madilim na mga panahong ito na ang pananampalataya ng mga tao ay napakahina, at ang Diyos ay tila hindi kailangan sa ating buhay. Sa tingin ko, napakahusay ng mga ginawa ni Carlo.”
Graziano Marcheschi serves as the Senior Programming Consultant for Shalom World. He speaks nationally and internationally on topics of liturgy and the arts, scripture, spirituality, and lay ecclesial ministry. Graziano and his wife Nancy are blessed with two daughters, a son, and three grandchildren and live in Chicago.
Related Articles
Nang ayusin ni Andrea Acutis ang isang banal na paglalakbay sa Jerusalem, inakala niyang matutuwa ang kanyang anak. Si Carlo ay masigasig na nagpupunta sa araw-araw na Misa at dinarasal ang kanyang mga panalangin, kaya ang kanyang tugon ay naging kagulat-gulat: "Mas gusto kong manatili sa Milan ... Dahil si Hesus ay nananatili sa atin palagi, sa Benditadong Ostiya, ano ang kailangan upang maglakbay sa Jerusalem upang bisitahin ang mga lugar kung saan Siya nanirahan 2000 taon na ang nakalilipas, sa halip, ang mga tabernakulo ay dapat bisitahin nang may parehong debosyon!" Si Andrea ay tinamaan ng dakilang debosyon na itinatangi ng kanyang anak para sa Eukaristiya. Ipinanganak si Carlo noong 1991, ang taon na naimbento ang World Wide Web. Ang maliit na henyo ay lumakad noong siya ay apat na buwan pa lamang, at nagsimulang magbasa at magsulat sa edad na tatlo. Ang mundo ay tumingin sa kanyang talino at nangarap ng isang magandang kinabukasan ngunit ang Banal ay may iba't ibang mga plano. Pinagsama ang kanyang pagmamahal sa Eukaristiya at teknolohiya, iniwan niya sa mundo ang isang dakilang pamana ng isang talaan ng mga milagrong Eukaristiya mula sa buong mundo. Sinimulan niya ang koleksyon noong 2002 noong siya ay 11 taong gulang pa lamang at natapos ito isang taon bago siya sumakabilang-buhay dahil sa leukemia. Ang batang sobrang talion sa kompyuter na ito, sa murang edad, ay gumawa pa ng isang website (carloacutis.com), isang pangmatagalang rekord, kasama ang lahat ng nakolektang impormasyon. Ang Eukaristikong eksibisyon na kanyang pinasimunuan ay ginanap sa limang kontinente. Mula noon, maraming mga himala ang naiulat. Sa kanyang website, isinulat niya ang pangmatagalang misyon ng kanyang buhay sa Lupa: "Sa pagtanggap ng mas maraming Eukaristiya, mas lalo tayong magiging katulad ni Hesus, upang sa Mundong ito, magkaroon tayo ng paunang tikim ng Langit." Malapit nang maging Saint Carlo Acutis ang Italiano na tinedyer na taga disenyo at matalino sa kompyuter na ito. Malawakang kilala bilang unang sanlibong patron ng internet, patuloy na hinahatak ni Blessed Carlo ang milyun-milyong kabataan sa pag-ibig kay Hesus sa Eukaristiya.
May isang kalungkut-lungkot na pakahulugan ang Krus na, sa kasamaang-palad, nakahawa sa isipan ng madaming Kristiyano. Ito ay ang pananaw na ang madugong sakripisyo ng Anak sa krus ay "kasiya-siya" sa Ama, isang pagpapayapa ng isang Diyos na walang hanggang galít sa makasalanang sangkatauhan. Sa pagbasang ito, ang ipinako sa krus na si Hesus ay tulad ng isang bata na inihagis sa nagniningas na bibig ng isang paganong kabanalan upang pawiin ang poot nito. Ngunit ang talagang nagpapatunay sa kamalian ng baluktot na teolohiyang ito ay ang bantiog na sipi mula sa Ebanghelyo ni Juan: "Gayon na lamang ang pag-ibig ng Diyos sa sanlibutan, na isinugo Niya ang Kanyang bugtong na Anak, upang ang lahat ng sumasampalataya sa kanya ay magkaroon ng buhay na walang hanggan" (3:16). Inihayag ni Juan na hindi dahil sa galit o paghihiganti o sa pagnanasa sa kabayadan kaya isinugo ng Ama ang Anak, kundi dahil mismo sa pag-ibig. Ang Diyos Ama ay hindi kung anong kalunus-lunos na pagka-Diyos na ang nalamog na pansariling karangalan ay kailangang maipanumbalik; sa halip, ang Diyos ay isang magulang na nag-aalab ng may pagkahabag sa Kanyang mga anak na napagala sa panganib. Kinamumuhian ba ng Ama ang mga makasalanan? Hindi, subalit napopoot Siya sa pagkakasala. .Nagkikimkim ba ang Diyos ng ngitngit sa mga hindi makatarungan? Hindi, subalit namumuhi ang Diyos sa kawalan ng katarungan. Kaya naman, isinusugo ng Diyos ang kaniyang Anak, hindi sa kagalakan na makita Siyang nagdudusa, kundi may-habag na itumpak ang mga bagay-bagay. Si San Anselmo, ang dakilang medieval na theologian madalas na di-matwid na sinisisi dahil sa malupit na theology ng kasiyahan, ay malinaw na malinaw sa bagay na ito. Tayong mga makasalanan ay tulad ng mga brilyante na nalaglag sa putikan. Nilikha ayon sa larawan ng Diyos, nadungisan natin ang ating sarili sa dala ng karahasan at poot. Ang Diyos, pag-angkin ni Anselmo, ay bibigkas lamang ng isang salita ng pagpapatawad mula sa langit, ngunit hindi nito malulutas ang problema. Hindi nito maibabalik ang mga brilyante sa dati nilang ningning. Sa halip, sa kanyang pagsinta na muling itatag ang kagandahan ng nilikha, bumaba ang Diyos sa putikan ng pagkakasala at kamatayan, iniakyat ang mga brilyante, at pagkatapos ay pinakintab ang mga ito. Sa paggawa nito, mangyari pa, kailangang madungisan ang Diyos. Ang paglulubog na ito sa dungis—ang banal na pakikipag-isa sa mga naliligaw—ay ang “sakripisyo” na ginagawa ng Anak para sa walang hanggang kasiyahan ng Ama. Ito ay ang sakripisyong nagpapahayag, hindi ng poot o paghihiganti, kundi ng pakikiramay. Sinabi ni Hesus na sinumang disipulo Niya ay dapat handang magpasan ng kanyang krus at sumunod sa Guro. Kung ang Diyos ay pag-ibig na hindi makasarili kahit na hanggang sa kamatayan, dapat tayong maging ganoong pag-ibig. Kung handang buksan ng Diyos ang sarili niyang puso, dapat handa tayong buksan ang ating puso para sa iba. Ang krus, sa madaling salita, ay dapat na maging mismong kayarian ng buhay Kristiyano.
Ako’y nagtatahak ng aking lumang panaligang talaarawan na kung saan ay naisulat ko ang mga ilang mga isinasamong dalangin. Sa aking pagkagulat, ang bawa’t isa sa mga yaon ay nabigyang-tugon! Sino man ang gumagawa ng madaliang pagsulyap ng mga balita nitong mga araw ay maaaring makita ang kanilang mga sarili na nagigipit, nagtataka kung saan ang Diyos, nangangailangan ng pag-asa. Alam kong natagpuan ko na ang aking sarili sa ganitong tayô sa tiyak na mga araw. Nadarama natin na hindi tayo makapagpigil, at nais nating malaman kung anong dapat gawin tungkol sa lahat ng kakila-kilabot na mga bagay na ating nakikita. Nais kong magbahagi sa inyo ng isang salaysay. May iilang mga taon nang lumipas, ako’y nagsimulang magsulat ng talaarawan ng mga dalanginang kahilingan ng mga tao at mga bagay na aking ipinagdarasal. Ako’y madalas na nagdarasal ng Rosaryo para sa mga ito, na ginagawa ko pa rin para sa mga pinapanalangin. Isang araw, ako’y nakatagpo ng isang lumang talaarawan ng aking mga naisulat na mga dasaling hinihiling. Sinimulan kong basahin nang mabuti ang mga pahina ng aking naisulat noong nakaraan. Ako ay namangha. Ang bawa’t dalangin ay sinagot—maaring hindi lagi sa mga paraang inakala kong ang mga ito’y masasagot—ngunit sila’y nasagot. Ang mga ito ay hindi mga mumunting dalangin. “Mahal na Panginoon, nawa’y tulungan Mo ang aking tiyahin na tigilan ang pag-inom ng alak. Mahal na Panginoon, nawa’y tulungan Mo ang aking baog na kaibigan na magkaroon ng mga anak. Mahal na Panginoon, nawa’y malunasan Mo ang aking kaibigan sa kanser.” Hanggang natumbok ko nang pababa ang pahina, natanto ko na ang bawa’t dasal ay nasagot. Karamihan ay sa higit na malaki at higit na paraan kaysa sa aking hinaraya. Mayroong dalawa, na sa unang sulyap, ay inakala kong hindi nasagot. Isang babaeng kaibigan na nangangailangan ng lunas sa kanser ay pumanaw na, ngunit nagunita ko nang siya ay namatay, siya’y nakapagkumpisal at nabasbasan ng pagpahid para sa malubha bago siya nabawian. Siya’y namatay nang matiwasay sa piling ng Diyos, na napalibutan ng Kanyang nakalulunas na biyaya. Ngunit maliban sa yaon, ang karamihan sa mga dasalin ay nasagot dito sa mundo. Maraming mga dasal na hinihiling ay tila mga bundok na napakalaki, ngunit sila’y napaurong na. Ang biyaya ng Diyos ay idinadala ang ating mga dalangin at ang sigasig natin sa pagdasal, at pinagagalaw Niya ang lahat ng bagay patungo sa kabutihan. Sa tahimik ng aking dasal, narinig ko ang bulong, “Palagi Ko nang ginagawa ang lahat ng mga bagay na ito sa buong panahon. Palagi na Akong nagsusulat ng mga salaysay na ito. Magtiwala ka sa Akin.” Naniniwala akong tayo'y nasa mapanganib na mga panahon. Ngunit ako rin ay naniniwala na tayo ay nilikha para sa mga panahong ito. Maaari mong sabihin sa akin, “Ang iyong mga panariling hiling sa dasal na nasagot ay tilang dakila, ngunit maraming mga bansa ay nakikipagdigmaan.” At ang tugon ko sa yaon ay, muli, walang hindi maaari sa ngalan ng Diyos, ni kahit ang pagtigil ng digmaan sa pamamagitan ng ating mga dalangin. Nagugunita ko itong nangyayari sa nakaraan. Dapat tayong manalig na ang Diyos ay makakikilos nang ganyang kadakila ngayon din. Alang-alang sa mga hindi pa gaanong matanda na makagugunita, mayroong isang malagim na panahon na tila magkakaroon ng pagligo ng dugo. Ngunit dahil sa kapangyarihan ng Rosaryo, mga pangyayari ay nagbago. Ako’y nasa ikawalong baytang, at aking natatandaan noong naririnig ko ang tungkol sa lahat ng kaguluhan sa Pilipinas. Si Ferdinand Marcos ang diktador ng yaong bansa sa yaong panahon. Ito’y nagsasahugis na maging isang madugong digmaan na may iilang mga taong patay na. Isang matatag na manunuri ni Marcos, si Benigno Aquino, ay pinaslang. Ngunit ito ay hindi naging isang madugong digmaan. Ang Pangunahing Obispo Jaime Sin ng Maynila ay nanawagan sa mga tao na magdasal. Sila ay nagsilabasan sa harap ng panghukbong mga kawal, nagdarasal ng Rosaryo nang malakas. Sila ay tumindig sa harap ng mga tangke habang nagdarasal. At pagkaraan, isang kahima-himalang bagay ang nangyari. Ang militar ay ibinaba ang kanilang mga sandata. Kahit ang pangkalahatang medya, ang Chicago Tribune, ay inilathala kung paano ang “Mga baril ay sumuko sa mga Rosaryo.” Ang pag-aalsa ay lumipas, at ang luwalhati ng Diyos ay naipakita. Huwag hintuang magtiwala sa mga himala. Asamin natin ang mga ito. Idasal ang Rosaryo sa bawa’t pagkakataon na magkakaroon tayo. Alam ng Panginoon na ang mundo ay kinakailangan ito.
Palagi nating pinupunan ang ating mga kalendaryo hangga't maaari ngunit paano kung dumating ang isang hindi inaasahang pagkakataon? Ang Bagong Taon ay nagbibigay ng impresyon na mayroon tayong blangkong talaan sa harap natin. Ang paparating na taon ay puno ng mga posibilidad, at marami ang mga resolusyon habang nagmamadali tayong punan ang ating mga bagong limbag na kalendaryo. Gayunpaman, nangyayari na marami sa mga kapana-panabik na pagkakataon at detalyadong mga layunin para sa perpektong taon ay hindi nangyayari. Sa pagtatapos ng Enero, ang ating mga ngiti ay nanginginig, at ang mga lumang gawi mula sa mga nakaraang taon ay gumagapang pabalik sa ating mga buhay. Paano kung trinato natin ang taong ito, sa sandaling ito, ng medyo naiiba? Sa halip na magmadali upang punan ang lahat ng puting espasyo sa ating mga kalendaryo, bakit hindi bigyan ng kaunti pang espasyo ang blangkong espasyo, para sa mga walang kabuluhan na bulsa ng oras kung saan wala tayong nakaiskedyul? Sa mga walang laman na espasyong ito binibigyan natin ang Banal na Espiritu ng pinakamaraming puwang upang gumana sa ating buhay. Alam ng sinumang lumilipat mula sa isang bahay patungo sa isa pang lugar ang nakakagulat na dami ng espasyo na nalilikha ng isang walang laman na silid. Habang lumilipat ang mga kasangkapan, tila patuloy na lumalaki ang silid. Kung walang natitira, palaging nakakagulat na isipin na ang sapat na espasyo ay isang problema, tingnan kung gaano ito kalaki! Kung mas maraming laman ang isang silid ng mga alpombra, muwebles, mga sabit sa dingding, at iba pang mga ari-arian, mas malapit ang espasyong mararamdaman. Pagkatapos, may bumisita sa iyong bahay na may dalang regalo, at lumingon ka at nagtataka—ngayon, saan natin ito ilalagay? Ang ating mga kalendaryo ay maaaring gumana sa halos parehong paraan. Pinupuno natin ang bawat araw ng trabaho, pagsasanay, mga laro, mga pangako, serbisyo sa panalangin—napakaraming mabuti at kadalasang tila kinakailangang mga bagay. Ngunit ano ang mangyayari kapag ang Banal na Espiritu ay kumakatok na may pagkakataong hindi natin inaasahan? Mayroon ba tayong espasyo para sa Kanya sa ating kalendaryo? Maaari nating tingnan si Maria bilang isang huwaran kung paano maging bukas sa Banal na Espiritu. Narinig ni Maria ang mga salita ng anghel at malayang tinanggap ang mga ito. Sa pag-aalay ng kanyang buhay sa Diyos, ipinakita niya ang perpektong disposisyon sa pagtanggap ng mga regalo ng Diyos. Ang isa pang paraan para pag-isipan ito ay ang tinawag ni Bishop Barron na 'Loop of Grace.' Nais ng Diyos na bigyan tayo ng kasaganaan. Kapag binuksan natin ang ating sarili sa mapagmahal na pagkabukas-palad ng Diyos, kinikilala natin na ang lahat ng mayroon tayo ay isang regalo. Sa kagalakan, ibinabalik natin sa Diyos sa pamamagitan ng pagpapasalamat, na muling sinisimulan ang sirkulo. Inabot ng Diyos si Maria, na malayang inialay ang kanyang sarili sa Kanyang Kalooban at layunin. Pagkatapos ay tinanggap niya si Jesus. Muli nating makikita ito sa katapusan ng buhay ni Jesus. Sa lubos na kalungkutan at matinding sakit, pinakawalan ni Maria ang kanyang pinakamamahal na Anak. Hindi siya kumapit sa Kanya habang Siya ay nakabitin sa krus. Sa masakit na sandaling iyon, ang lahat ay tila nawala, at ang kanyang pagiging ina ay nawalan ng saysay. Hindi siya tumakas, nananatili siya sa kanyang Anak, na kinailangan siyang palayain. Ngunit pagkatapos, binigyan siya ni Jesus ng hindi lamang isang anak na lalaki kay Juan kundi mga anak na lalaki at babae para sa kawalang-hanggan sa kanyang pagiging ina sa Simbahan. Dahil si Maria ay nanatiling bukas at tinanggap ang plano ng Diyos, kahit na ito ay pinakamasakit, maaari na natin siya ngayong tawaging, Ating Ina. Habang nagpapatuloy ang taon, marahil dapat ay maglaan ng ilang oras upang ipagdasal ang iyong iskedyul. Napuno mo na ba ang iyong mga araw ng higit sa sapat, marahil ay sobra pa? Hilingin sa Banal na Espiritu na bigyang-inspirasyon ka na isaalang-alang kung anong mga aktibidad ang kailangan para sa Kanyang mga layunin at alin ang mas para sa sarili mong mga personal na hangarin at layunin. Humingi ng lakas ng loob na muling ayusin ang iyong iskedyul, para sa karunungan na sabihin ang "Hindi" kung kinakailangan, upang masaya at malaya kang makapagsabi ng "Oo!" kapag Siya ay kumakatok sa iyong pintuan.
Mayroong isang patula na pagninilay ng isang unang ika-20 siglo Greko nobelista na tinatawag na Nikos Kazantzakis na iningatan ko sa aking lamesa panggabi kapag Adbento sa paligid ng bawat taon. Inilarawan Niya si Kristo bilang isang binata, nakikita ang bayan ng Israel mula sa malayo na taluktok ng bundok, hindi pa handa na magsimula ang Kanyang ministeryo ngunit matinding, malubhang sensitibo sa pagnanasa at pagdurusa ng Kaniyang bayan. Ang Diyos ng Israel ay nasa gitna nila—nguni't hindi nila ito nalalaman pa. Binabasa ko ito aking mga mag-aaral sa nakaraang araw, tulad ng ginagawa ko sa bawat taon sa simula ng Adbento at isa sa mga ito ay sinabi sa akin pagkatapos ng klase: “Huhulaan ko na ito ay kung paano ang pag-iisip ni Hesus ngayon rin.” Sinabi ko sa kanya kung ano ang ibig niya. Sinabi niya, "Alam mo, si Hesus, na nakaupo doon sa tabernakulo, at tayo lamang ay lumalakad na parang Siya'y hindi naruruon." Mula ngayon, nagkaroon ako ng bagong larawan sa aking mga panalangin sa Adbento ni Hesus, na naghihintay sa Tabernakulo, nakikita sa Kanyang mga tao—nakarinig ang aming mga pag-aawit, aming mga pananalangin, at aming mga tinig. Naghihintay... Sa isang paraan, ito ay ang paraan na pinili ng Diyos na dumating sa atin. Ang kapanganakan ng Mesiyas ay ang PANGUNAHING KAGANAPAN SA BUONG KASAYSAYAN NG TAO, at gayon ma'y nais ng Diyos na magaganap ito “gayon madali na ang sanglibutan ay nagsisilakad sa kanyang mga gawain na parang walang nangyari.” Ang ilang pastol ay tumitingin, at gayon din ang mga mago (at maaari naming makipag-ugnayan sa Herodes, na nagtataglay para sa lahat ng mga maling dahilan!). Pagkatapos, malinaw, ang buong bagay ay nawala. Para sa isang oras. Sa isang paraan... mayroon kang isang bagay sa paghihintay na mabuti para sa atin. Pinili ng Diyos na maghintay para sa atin. Pinili Niya na tayo'y maghihintay sa Kanya. At kapag ikaw ay nag-iisip tungkol dito sa liwanag na ito, ang buong kasaysayan ng kaligtasan ay naging kasaysahan ng paghihintay. Kaya, nakikita mo, mayroong pare-pareho na kahulugan ng pangangailangan—na kailangan nating tumugon sa tawag ng Diyos at kailangan nati Siya na tumugoon sa ating tawag, at sa lalong madaling panahon. “Sumagot ka sa akin, Panginoon, kung ako'y tumatawag i sa iyo,” sabi ng salmista. Mayroong isang bagay na parang bastos tungkol sa talatang ito na ka akit akit. May isang pangangailangan sa mga Awit. Ngunit mayroon ding kahulugan na dapat natutunan natin na maging matibay at maghintay—paghihintay sa masaya na pagasa—at makahanap ang sagot ng Diyos sa paghintay.
Bilang isang musmos na babae, ninais kong maging isang Superhero ngunit hindi nagtagal tinanggap ko na ito’y isang walang saysay na pangarap ng bata, hanggang… Noong ako’y isang bata, gumigising ako nang maaga sa mga Sabado ng umaga upang panoorin ang Sobrang - magkakaibigan—isang karikaturang samahan ng mga sobrang mga bayani na sinasagip ang mundo. Ninais kong maging isang sobrang bayani kapag malaki na ako. Hinaharaya kong ako’y nakatatanggap ng hudyat na may isang nangangailangan ng tulong at ako’y dagliang lilipad para sa kanilang pangangailangan. Lahat ng mga sobrang bayani na nakita ko sa TV ay nananatiling nakabalatkayo. Sa tanaw ng mundo, sila ay karaniwang mga kauring may nakaiinip na mga kabuhayan. Gayunpaman, sa panahon ng gipit, agad silang nagtitipon at nagpupulong sa pagsagip ng katauhan mula sa masasamang tao. Nang lumaki ako, napuna ko na ang mga sobrang bayani sa karikatura ay tauhang mga kathang-isip. Nilimot ko ang aking walang saysay na mga hakà… hanggang, isang araw, noong natagpuan ko ang totoong sobrang bayani na nagmulat sa aking mga mata. Ako’y paminsan-minsang daraan upang manalangin sa kapilya ng habang-panahon na pagsamba sa isang pampook na simbahan. Dahil kinakailangang mayroong manatili sa lahat ng panahon sa pagsamba ng Yukaristiya, mga boluntaryo ay nagsisipagtala para sa maiikling patlang. Sa dami ng aking mga pagdalaw, napansin ko ang isang matandang ginoong nasa upuang de gulong na nananatiling nananalangin nang maraming oras sa kapilya. Siya’y nag-aanyong may labinsiyam na gulang. Sa bawa’t kadalasan, siya’y huhugot ng iba-ibang mga bagay mula sa bag—isang Bibliya, rosaryo, o isang piraso ng papel na inaakala kong listahan ng mga dasalin. Nagtataka ako kung anong uri ng hanapbuhay na kanyang ginawa noong kabataan at nang malusog pa ang katawan. Kung anuman ang dati niyang ginagawa ay maaaring hindi kasing- halaga ng kanyang ginagawa ngayon. Naunawaan ko na ang itong ginoong nasa upuang de gulong ay gumagawa nang bagay na napakahigit na mahalaga kaysa sa pinakamarami sa atin na tumatakbo nang paligid. Ang mga sobrang bayani na nakabalatkayo ay nakakubli sa payak na paningin! Ito’y nangangahulugan na ako, mandin, ay maaaring maging sobrang bayani… ng pagdarasal. Tumutugon sa SOS Ako’y nagpasyang makisapi sa paghahalili ng pagdarasal sa simbahan, isang samahan ng mga tao na nakapagpangakong mamagitan sa pagdasal para sa mga iba nang palihim. Marami sa mga magigiting na nagdarasal ay matatanda. Ang ilan ay mga taong baldado. Ang ilan ay mga nasa kapanahunan ng buhay na sila’y nasa tahanan na lamang dahil sa iba’t-ibang dahilan. Nakatatanggap kami ng mga pagbibigay-alam sa email ng mga ngalan ng mga taong nakapaghiling ng mga dalangin. Tulad ng mga sobrang bayani sa mga karikatura na napanood ko noong nakaraan, tumatanggap kami ng hudyat kapag may isang nangangailangan ng tulong. Ang mga kahilingang ipapanalangin ay dumarating nang kahit kailan sa araw: Si Ginoong X ay nahulog sa akyatan at isinugod sa pagamutan. Si Ginang Y ay napag-alaman na may kanser. Isang apo ay nasangkot sa nabunggong sasakyan. Ang kapatid na lalaki ng isang ginoo ay nadukot sa Nigeria. Isang mag-anak ay nawalan ng kanilang tahanan sa buhawi. Ang mga pangangailangan ay marami. Ginagawa namin nang taimtim ang inaatas sa amin na tagapamagitan sa pananalangin. Humihinto kami sa kahit anumang ginagawa namin at magdarasal. Kami’y isang hukbo ng mga mandirigmang nagdarasal. Nilalabanan namin ang hindi makitang dahas ng kadiliman. Kaya naman, isinusuot namin ang buong bakal na pananggalang ng Diyos at lalaban nang may banal na mga sandata. Nagdarasal kami para sa kapakanan ng iba. Nang may sigasig at paglaan, patuloy naming isinasamo ang mga kahilingan sa Diyos. Ang Talab ng Bayani Nakadudulot ba ng kaibhan ang dasal? Sa bawa’t kadalasan, kami’y nakakukuha ng katugunan mula sa mga taong nakiusap ng dalangin. Ang lalaking dinukot sa Nigeria ay naibalik sa loob ng isang linggo. Marami ang nakaranas ng paglunas. Higit sa lahat, maraming tao ang nabigyang lakas at naginhawaan habang nasa dalamhati. Si Hesus ay nagdasal, at ipinagbago Niya ang mundo! Ang dasal ay bahagi ng Kanyang ministeryo ng paglunas, pag-adya at pagkaloob para sa mga nangangailangan. Si Hesus ay laging nakikipag-usap sa Ama. Manding tinuruan Niya ang kanyang mga alagad na magdasal. Ang dasal ay tutulutan tayo na maunawaan ang palagay ng Diyos at maihanay ang kalooban natin sa Kanyang Banal na kalikasan. At kapag tayo’y nagdarasal para iba, tayo’y nagiging kasama ni Kristo sa Kanyang ministeryo ng pag-ibig. Kapag iniaalay natin ang ating mga alalahanin sa makapangyarihan, may lahat ng karunugan, saanma'y matatagpuan na Diyos, magkakaroon ng palitan sa kapaligiran. Ang ating matapating dalangin, kaisa sa kalooban ng Diyos, ay makapaggagalaw ng mga bundok. “Sumasamo kami sa Iyo, Panginoon, na tulungan at ipagtanggol kami. Iadya Mo ang mga inaapi. Kaawaan Mo ang mga hamak. Itayo Mo ang mga nalugmok. Ilahad Mo ang Iyong Sarili sa mga salat. Lunasan Mo ang may-sakit. Akayin Mong pabalik yaong Iyong mga taong naligaw. Bigyan Mo ng makakain ang mga gutom. Buhatin Mo ang mahihina. Alisin Mo ang mga kadena ng mga bilanggo. Nawa ang bawa’t bansa ay matuntunan na malaman na Ikaw lamang ang Diyos, na si Hesus ay Iyong Anak, na kami ay Iyong mga tao, ang kawan na Iyong pinapastol. Amen.” (San Clemente)
Ang mga tao ay madalas na nagugulat kapag pinaa-alam ko sa kanila na ang pinakamalapit kong kaibigan sa monasteryo ay si Padre Philip, na nangyaring naging 94. Siya na bilang pinakamatandang monghe ng komunidad, at ako na bilang pinakabata, ay sadyang magkatugma; isa pang kapanalig na monghe ay magiliw na tinutukoy kami bilang “alpa at omega.” Bilang karagdagan sa aming pagkakalayo ng gulang, mayroong napakaraming kaibhang pumapagitan sa amin. Si Padre Philip ay naglingkod sa Tanod Baybayin bago pumasok ng monasteryo, nag-aral ng Botanika at wikang Ingles, tumira na sa Roma at Ruwanda, at siya’y matatas sa iba-ibang mga wika. Sa madaling sabi, siya’y may mga karanasan sa buhay na higit pa sa akin. Sa kabila nito, may ilang mga bagay na pinagbabahaginan namin nang karaniwan: kapwa kami’y katutubo ng California at mga nagsalin-anib mula sa Protestantismo (siya na dating Presbiteryano at ako na dating Baptist). Ikinalilibang namin nang lubos ang opera, at higit na mahalaga, pinananatili namin ang buhay ng pananalig nang magkasabay. Likas lamang na mamili ng mga kaibigang nakapamamahagi ng ating karaniwang mga kinawiwilihan. Ngunit sa ating pagtanda at ang mga kalagayan ng ating mga buhay ay nagbabago, makikita natin ang ating mga sarili na nawawalan ng mga kaibigan habang nakakapagkamit ng mga bago. Winika ni Aristoteles na lahat ng mga pagkakaibigan ay dapat magbahagi ng isang karaniwang bagay. Ang mga tumatagal na pagkakaibigan ay yaong mga nagbabahaginan ng mga pangmatagalang bagay. Halimbawa, ang pagkakaibigan ng dalawang mga tabladong manlalangoy ay namamalagi habang mayroong mga alon na masasakyan. Gayunman, kung walang gumugulong na alon o kapag ang manlalaro sa alon ay napinsala at hindi na makasagwan nang paalis, ang pagkakaibigan ay mangungupas maliban lamang kung makakita sila ng bagong bagay na mapagbabahaginan nila. Kaya, kung ang mithi natin ay magkaroon ng habang buhay na mga kaibigan, ang susi ay ang makakita ng bagay na maaring maipagbahagi sa panghabangbuhay, o kaya, kawalang-hangganan. Ang punong pariseyo, si Kaypas, ay pinaratanganan si Hesus ng kalapastanganan nang inulat Niyang Siya ang Anak ng Diyos. Higit na lapastanganan sa paghayag na ito ay nang sinabi ni Hesus sa Kanyang mga alagad, “Kayo ay aking mga kaibigan.” Sapagka’t ano ang maaaring magkaroon ang Anak ng Diyos na karaniwan sa mga mangingisda, isang mambubuwis, at isang panatiko? Ano ang maaaring magkaroon ang Diyos na may pagkatulad sa atin? Siya’y labis na matanda kaysa sa atin. Siya’y may higit na karanasan sa buhay. Siya ay kapwa Alpa at Omega. Anuman ang ating karaniwang ipinamamahagi ay dapat na nabigay Niya sa atin sa unang lagay. Kabilang sa dami ng mga biyayang ibinabahagi Niya sa atin, ang Kasulatan ay malinaw tungkol sa bagay na tumatagal nang pinakamahaba: “Ang Kanyang matimtimang pag-ibig ay nagtatagal nang magpasawalang-hanggan.” “Ang pag-ibig… ay napagtitiisan ang lahat ng mga bagay.” “Ang pag-ibig ay walang katapusan.” Lumalabas na, ang pakikipagkaibigan sa Diyos ay napakadali. Ang dapat lamang natin na gawin ay “umibig dahil inibig Niya muna tayo.”
Si Marino Restrepo ay nagtrabaho bilang isang aktor, tagalikha, musikero at kompositor sa industriya ng libangan sa loob ng halos 20 taon. Ngunit isang nakamamatay na Bisperas ng Pasko, siya ay dinukot at dinala sa kagubatan ng Colombia kung saan siya nagpumilit na mabuhay sa loob ng anim na buwan... Isang himala lamang ang makapagliligtas sa kanyang buhay! Maaari mo ba kaming pasilipin sa iyong pagkabata na lumaki sa isang maliit na bayang nagtatanim ng kape sa Kabundukan ng Andes? Lumaki ako sa Colombia sa isang malaking pamilyang Katoliko—ang ikaanim sa sampung anak. Dahil puro Katoliko lamang ang nasa aking bayan, wala akong alam na ibang pananampalataya o relihiyon. Ang pananampalatayang Katoliko ay isang mahalagang bahagi ng aming buhay. Kami ay aktibo sa mga gawaing pastoral ng Simbahan araw-araw, ngunit para sa akin ito noon ay higit na relihiyon kaysa espiritwalidad. Sa edad na 14, nang lumipat kami sa Bogota, ang kabisera ng Columbia, nagsimula akong lumayo sa Simbahan. Wala akong ideya tungkol sa kung ano ang nangyayari sa mundo, kaya naengganyo ako sa lahat ng mga bagong bagay na nakita ko. Ang mga hippie, ang rock at roll at ang lahat ng kahalayan ay bumihag at umakit sa akin. Hindi nagtagal ay tuluyan na akong umalis sa pananampalataya at hindi na bumalik sa Simbahan. Ano ang tungkol sa mga relihiyon sa silangan at espirituwalidad na talagang nakaakit sa iyo at umaakit sa iyo? Ang lahat ng mga relihiyon sa silangan ay bumighani sa akin, lalo na ang Hinduismo sa pamamagitan ng yoga at sinimulan kong basahin ang Mahabharata at Bhagwat Gita. Noong una ay ang kagandahan lamang ng panitikan at mga pilosopiya ang nakaakit sa akin, at pagkatapos ay naging ritwal. Nagsimula akong sumunod sa mga guru na ang pagtuturo ay naglayo sa akin sa pananampalatayang Katoliko. Mula noon ay tumigil na ako sa paniniwalang si Jesus ay Diyos. Sa halip, inisip ko Siya bilang isa lamang propeta. Maaari mo bang sabihin sa amin ang tungkol sa iyong mga karanasan sa Hollywood? Di-nagtagal pagkatapos kong lumipat sa Los Angeles, naging konektado ako sa ilang mga napakahahalagang tao na nagbigay sa akin ng maraming pagkakataon sa karera. Pinapirma ako ng Sony Music bilang isang eksklusibong artista nila noong 1985. Inilabas nila ang ilan sa aking mga rekord at nilibot ko ang mundo, naramdaman ko ang labis na kasiyahan at ang isang napakatagumpay na karera sa musika. Kapag hindi ako naglilibot o nagre-rekord, nasa Hollywood ako, at umaarte, nagsusulat ng mga senaryo at gumagawa ng mga pelikula. Dahil ang California ang sentro ng mundo ng kilusang Bagong Panahon, lalo akong nalubog sa mahika at misteryo nito. Noong Bisperas ng Pasko 1997, ang iyong buhay ay nagkaroon ng napakalaking pagbabago. Ano ang nangyari noong gabing iyon? Umuwi ako sa Colombia para sa Pasko upang makasama ang aking pamilya. Habang nagmamaneho ako palapit sa tarangkahan ng taniman ng kape ng aking tiyuhin malapit sa aking bayan, anim na lalaki ang lumabas sa kakahuyan na may mga armas, tumalon sa aking sasakyan at pinilit akong sumama sa kanila. Nang medyo makalayo na kami sa kalsada, iniwan nila ang kotse ko at pinilit akong maglakad kasama nila. Paakyat sa mga burol at sa kagubatan, kami ay naglakad, ng maraming oras, pagkatapos ay isa pang paglalakbay na gamit ang kotse at mas marami pang paglalakbay na naglalakad hanggang sa wakas ay nakarating kami sa isang maliit na kuweba. Nakahinga ako ng maluwag nang huminto kami sa paglalakad, ngunit mabilis na lumala ang aking sitwasyon. Itinulak nila ako papasok sa kweba, itinali ang aking mga kamay at nilagyan ng talukbong ang aking ulo. Ito ay talagang kakila-kilabot. Ang kweba ay puno ng mga paniki at kulisap na kumakagat sa akin sa buong katawan, at imposibleng makatakas. Ibinenta ako ng mga bumihag sa akin sa mga rebeldeng gerilya na humingi ng napakalaking pantubos at nagbanta na papatayin ang aking mga kapatid na babae kapag hindi ito binayaran. Sinabi nila sa akin na nasentensiyahan na ako ng kamatayan dahil nakita ko na ang kanilang mga mukha at marami pa akong makikita sa mahabang proseso ng pagkuha ng pera. Sa sandaling mabayaran ko ang katubusan, papatayin nila ako upang maiwasang mahuli sila pagkatapos akong palayain. Pakiramdam ko ay nawasak ako bilang isang tao. Wala nang pag-asa na makalabas pa ako ng buhay. Nasa matinding panganib ang pamilya ko, at nanakawin nila ang lahat ng perang kinita ko. Ano ang iyong naiisip noong nasa pagkabihag ka? Sila ba ay desperasyon at kapahamakan o itinaas mo ba ang iyong mga iniisip sa Diyos sa mga sandaling iyon ng kadiliman? Sa unang 15 araw ng pagkabihag, ni hindi ko naisip na itaas ang aking mga iniisip patungo sa Diyos. Sa halip, sinubukan kong gamitin ang lahat ng Mga Makabagong kapangyarihan at mga pamamaraan na natutunan ko. Wala sa mga ito ang nakatulong sa akin. Ngunit isang araw, inabot ako ng Diyos sa isang mistikong paraan na karanasan na nagpabago sa aking buhay magpakailanman. Bagama't gising ako at may malay, nakakita ako ng isang pangitain. Sa di kalayuan ay nakita ko ang isang taluktok ng bundok na natatabunan ng isang kamangha-manghang lungsod ng liwanag. Ang aking kaluluwa ay nagnanais na mapunta sa lungsod na iyon, ngunit walang paraan upang makarating doon at ito ay nakabagabag sa akin. May bigla akong narinig na lagaslas ng tubig na naging maraming tinig, pagkatapos ay nauwi sa isang tinig na nagmula sa lahat ng dako, maging sa loob ko. Kahit na ako ay tumalikod sa Diyos sa loob ng maraming taon, nalaman ko kaagad na iyon ay tinig ng Diyos. Pinagliliwanag ang aking konsensya at inilalahad ang kalagayan ng aking kaluluwa. Parang isang kisap matang kumislap sa aking harapan ang buhay ko at naramdaman ko ang sakit na dulot ng bawat kasalanang nagawa ko, lalo na ang mga hindi ko pa naamin dahil sa paglisan ko sa Simbahan. Hindi ko nakayanan ang lahat ng pagmamahal na ibinubuhos ng Panginoon sa akin dahil pakiramdam ko ay hindi ako karapat-dapat, ngunit hindi Niya ako hinayaang lumubog sa aking paghihirap. Niyakap Niya ako, ipinaliwanag ang buong kasaysayan ng kaligtasan at inihayag ang kagandahan ng Kanyang plano sa sakramento. Kailangan ko ang pagpapagaling at espirituwal na pagpapakain na malayang iniaalok Niya sa mga sakramento. Nang huminto ako sa pagpunta sa Kumpisalan, nawalan ako ng pakiramdam sa pinsalang idinudulot ng aking kasalanan sa aking sarili at sa iba, at lalo akong naligaw at mas higit na napalayo papunta sa karumal-dumal na mga kasalanan. Inialay Niya ang Kanyang buhay bilang kabayaran sa lahat ng ating mga kasalanan, upang tayo ay gumaling at mabago, at kapag tayo ay nagpunta sa Misa at tinanggap Siya sa Eukaristiya, hindi lamang natin tinatanggap ang pagpapagaling na iyon, kungdi tayo ay nagiging mga instrumento ng reparasyon sa ating sarili, upang manalangin para sa mga kaluluwang nangangailangan ng Kanyang mga biyaya. Nang matapos ang pangitain, ako ay lubos na nagbago. Hindi na ako natatakot na mapatay, ngunit natatakot ako sa walang hanggang paghatol. Kaya naman, taimtim akong nagdasal na magkaroon ako ng pagkakataong makapuntang muli sa Kumpisalan. Kinabukasan ay inilabas nila ako sa kweba, ngunit gumugol pa rin ako ng lima at kalahating buwan sa pagkabihag. Sa mga buwang iyon, ang aking relasyon sa Diyos ay naging mas maigting sa bawat araw. Sa wakas, nangyari ang himala. Bigla akong pinakawalan isang gabi, iniwan lang sa kalsada ng walang paliwanag. Naramdaman kong pinoprotektahan ako ng kapangyarihan ng Diyos at alam kong may plano Siya sa natitirang bahagi ng aking buhay, simula sa Pangungumpisal na matagal ko nang inaasam. Paano nagbago ang iyong buhay pagkatapos ng mahimalang pagtakas na ito...? Sa lalong madaling panahon, pumunta ako sa Kumpisalan sa isang Franciscan monastery. Akalain mo, ito ang pinakamahabang pangungumpisal ko sa buhay ko. Nang itaas ng pari ang kanyang kamay para palayain ako sa aking mga kasalanan, narinig ko ang pinaka-hindi kapani-paniwalang ingay sa ibaba. Alam kong mga demonyo sila na galit na galit na ako ay pinakawalan sa kanilang mga pagkakahawak. Sa sandaling natapos niya ang panalangin ng pagpapatawad, nagkaroon ng ganap na katahimikan at kapayapaan. Napaibig ako sa Simbahang Katoliko na nagpapakain sa akin araw-araw ng presensiya ng pagpapagaling ni Kristo sa Eukaristiya. Ang pang-araw-araw na pagbabasa ng Misa ay nagpatunay sa aking mga mistikong karanasan at ako ay nauuhaw sa higit pa, at nagpapakalublob sa katekismo, buhay ng mga santo... Bumalik ako sa California, ngunit pagkaraan ng dalawang taon, naramdaman kong tinatawag ako ng Diyos pabalik sa Colombia, sa kabila ng aking nakakatakot na karanasan. Bumalik ako sa simula ng Mahal na Araw, ngunit napakaraming tao doon para sa Misa sa Linggo ng Palaspas kaya hindi ako makapasok sa simbahan. Habang nakatayo ako sa labas, Bigla akong nakakuha maikling sulyap sa mga aksyon ng Misa, lumapit sa akin si Jesus at nagkaroon ako ng isa pang mistikong karanasan sa Kanya. Para bang ang Kanyang puso ay kumakausap sa aking puso, nang walang salita, ngunit naunawaan ko ang lahat. Sinabi niya sa akin na nagsisimula pa lang ang aking misyon mula ng ipinanganak ako. Dadalhin ako sa buong mundo--bawat lugar na bibisitahin ko ay napili na at bawat tao na makakarinig ng aking kwento ay napili na sa pangalan. Iniwan ko ang aking artistikong karera at naging isang laykong misyonerong Katoliko, na nagtatag ng “Pilgrims of Love” (ang pangalang ipinahayag ng Panginoon) kasama ng archdiocese ng Bogota. Sa nakalipas na 23 taon, bumisita ako sa mahigit 121 bansa sa bawat kontinente, hindi para isulong ang aking sarili, o para sa sarili kong kaluwalhatian, tulad ng ginawa ko noong mga araw ko bilang isang musikero, ngunit upang ipahayag ang mga dakilang gawa na ginawa ng Panginoon sa aking buhay. Ang pagiging kasangkot sa espirituwalidad ng Bagong Panahon sa nakaraan ano ang iyong payo sa mga nagsasagawa nito ngayon? Lubos akong nasangkot sa mga kasanayan sa Bagong Panahon sa loob ng 33 taon, simula sa edad na 14 nang ako ay naging hippie. Ipapayo ko sa lahat na iwasan ang lahat ng gawain sa Bagong Panahon dahil may espiritu ng kasamaan na nakapaligid sa kanila. Ang mga ito ay napaka-mapang-akit dahil sila ay mukhang positibo, nakapagpapagaling at makapangyarihan. Ngunit iyon ay mapanlinlang. Gaya ng sabi ni San Pablo, si Satanas ay nagbibihis bilang isang anghel ng liwanag. Kahit na ito ay mukhang mabuti, ito ay talagang nakasasakit sa iyong kaluluwa. Kaya hindi ko inirerekomenda ang anumang mga kasanayan sa Bagong Panahon, dahil ang mga ito ay mga bintana na nagbubukas sa kadiliman, na nagpapahintulot sa masasamang espiritu na makapasok sa ating mga kaluluwa upang sirain ang ating buhay. Maaari ka bang magbahagi ng 3 mga mungkahi upang hikayatin ang pagtitiyaga at isang pagpapalalim na pag-ibig sa Diyos? Ang araw-araw na panalangin ay nagpapalakas sa aking pagtitiyaga sa pag-ibig ng Diyos. Napangalagaan ko ang ugali ng pagdarasal ng Rosaryo araw-araw. Ang una kong mungkahi ay maglaan ng oras, kahit na sa mga pinaka-abalang araw para magdasal ng Rosaryo. Ang pangalawang mungkahi ko ay ang madalas na pagpunta sa Misa at Kumpisalan. Ang mga sakramento ay nagpapalakas sa atin upang labanan ang mga tukso. Ang pangatlong mungkahi ko ay siguraduhing sinusunod natin ang ating usapan. Upang maging isang tunay na Kristiyano na may mabuting puso at mabuting hangarin, kailangan nating gawing mabuti ang lahat—mabubuting pag-iisip, mabuting hangarin, mabuting damdamin at magagandang ideya. Ang lahat ng ating ginagawa ay dapat pagtibayin ang kabutihan ng Diyos, maging ang paraan ng ating paglalakad, o pakikipag-usap o pagtingin sa mga tao. Dapat nilang makita na may kakaibang bagay sa ating mga layunin sa buhay.
Ang ilog ay lumobo nang napakataas kaya natakpan ng tubig ang lahat at ang lahat ng kahulugan kung saan ang daan o landas ay pawang hula lamang. Sa tubig sa lahat ng dako, tila hangal na sumulong, lalo na sa isang karwahe, dahil kung sinuman ang naligaw ng napakaliit sa kalsada, sila ay mamamatay nang walang pag-aalinlangan. Habang nataranta ang kanyang mga kasama, hinimok sila ni Sister Teresa, “Habang tayo ay nakikibahagi sa gawain ng Diyos, paano tayo mamamatay sa mas mabuting layunin?” Pagkatapos ay pinauna niya ang daan patungo sa kumbento sa pamamagitan ng mabangis na bagyo. Bigla siyang nadulas sa pilapil at tuluyang nahulog sa putikan Sa halip na magreklamo o magmura, ang hindi mapigil na madre, ay tumingin sa langit at bumuwelo, "Kung ganito ang pakikitungo mo sa iyong mga kaibigan, hindi kataka-taka na wala kang marami!" Ang ika-labing-anim na siglong Santo at Doktor ng Simbahan, si Teresa ng Avila, ay hindi masyadong sineseryoso ang sarili o ang mundong ito at inalis ang maliliit na paghihirap ng buhay nang may pagpapatawa. Ang kanyang kakayahang mapagkumbaba na kilalanin ang kanyang sariling mga pagkakamali at pangangailangan para sa biyaya ay nabahiran din ng kanyang nakakapreskong katatawanan. Sa kanyang sariling talambuhay, isinulat ni Teresa, "Ang pagkakaroon ng banal at may takot sa Diyos na mga magulang ay sapat na para maging mabuti ako kung hindi ako napakasama." Si Santa Teresa ay nag-iisip din ng maling kabanalan at minsan ay nagsabi, "Mula sa mga hangal na debosyon at maasim na mga santo, mabuting Panginoon, iligtas mo kami!" Ang isang malusog at mabuting pagkamapagpatawa ay magpapanatiling tuwid ng ating ulo at magbibigay-daan sa atin na makita ang tunay na kagandahan ng mundo. Sinabi ba ng Diyos na kailangan nating maging “maasim ang mukha” para maging banal? Kaya, kung gusto mong maging santo, gumaan ka, ibahagi ang kagalakan ng Panginoon, at tumawa kasama ang iyong mga kaibigan tulad ng ginawa ni Hesus.
Iilang mga Santo ng Simbahang Katolika ang nakakamit ng tanyag na likhang-isip tulad ni Joan ng Arko. Ang kanyang salaysay ay nailarawan sa mga pintadong kuwadro, mga eskultura, at maraming mga pelikula. Isinilang sa mag-anak ng mga magsasaka noong 1412, si Joan ay lumaki na hindi nakapag-aral, ngunit nakakamit ng sukdulang pag-ibig para sa Simbahan at malalim na pananalig sa Diyos na nagmula sa kanyang ina. Sapagka’t minahal niya ang pagdarasal at mga sakramento, ang kanyang mga kalapit-bahay ay nagsabing, “Siya’y napakabuti kaya siya’y minahal ng lahat sa bayan.” Siya’y nag-aruga para sa mga may-sakit at mga walang matuluyan, madalas na inaalay pati ang kanyang sariling higaan. Nang sa ikalabing-tatlong gulang, si Joan ay nagsimulang marinig ang mga tinig nina San Miguel Arkanghel, Santa Margarita ng Antioch, at Santa Catalina ng Alehandriya. Siya’y sinabihan nila na siya ang naatasang palayain ang Pransya at tiyakin na ang Pranses na tagapagmana ng kapangyarihan ay nahirang bilang karapat-dapat na hari ng Pransya. Nakamit niya ang tiwala ng hari sa paglalathala niya ng mga detalya ng nakaraan ng hari na alam lamang ng isang may banal na karunungan. Sa panahong yaon, ang Pransya ay napasasailalim ng kapangyarihan ng Inglatyera. Sa paniniwala na ang kanyang mga “tinig” ay nagmula sa Diyos, si Joan ay mabayani at matapat na sinunod ang kanilang bilin, sa kabila ng mga balakid at mga pasakit. Pagdarasal at pagninilay-nilay ay nanatiling mahalaga sa kanyang buhay kahit siya’y nagpapamuno ng mga digmaan, na ni-kailanma’y hindi siya humugot ng sandata laban sa kanyang kaaway. Bagama’t mayroong dalawang taon bago ang pagbibigay ng atas, na siya’y “nailathala na bilang isang taong walang pagkukulang sa buhay, isang mabuting Kristiyano, na nagtataglay ng mga katangian ng pagpapakumbaba, katapatan at kapayakan”, si Joan ay pinaratangang may sala ng pangungulam at pagka-erehe matapos siyang magapi ng mga lngles, at walang natanggap na tulong mula sa Hari na napaupo niya sa trono. Sa paglilitis sa kanya, nagpakilala si Joan ng kanyang malalim na pananalig at talino, at sa kabila ng hindi makatarungang hatol, ang tiwala niya sa Diyos at Simbahan ay ni-kailanma'y nagmaliw. Nang siya’y sinigahan ng apoy sa tukod ng gapusan, kanyang ihinayag nang malakas ang ngalan ni Jesus habang idinidiin niya ang krusipiho sa kanyang puso, na nasanhi ang isang tagapagmasid na magsaad, “Nasunog natin ang isang banal na tao.” Ang kanyang pagpanaw ay nagpalaganap ng kanyang katanyagan at karangalan. Pagkalipas ng dalawampung taon, isang bagong paglilitis ay ihinayag siyang walang sala sa lahat ng mga pinanindigang krimen na ipinaratang sa kanya. Matapos na yumabong ang kanyang kapurihan sa sumunod na mga siglo nang napakahabang sukat, si Joan ay pinamitagan bilang biyato ni Papa San Pio X noong 1910 at pinarangalang santa ni Papa Benedicto XV pagkalipas ng labing-isang taon. Siya’y kasalukuyang Santa Patrona ng Pransya at isa sa mga pinakamahal-mahalang pinagpala. Ang pagtalima ni Joan sa Diyos ay nagpatiyak na ang Pransya ay ipinanatili ang Katolikang pananalig noong panahon ng Protestadong Pagbabago habang ito’y pinabayaan ng Inglatyera. Ang Pransya ay nanatiling isang matapat na kalagitnaan ng Katolisismo mula sa kung saan makapagpapalaganap ito sa pahilaga ng Yuropa.
Latest Articles
Ang Hindi ko inaasahan noong sinimulan ko ang mabisang panalanging ito... O Munting Therese ng Batang Hesus, mangyaring pumili para sa akin ng isang rosas mula sa hardin ng Langit at ipadala ito sa akin bilang isang mensahe ng pag-ibig." Ang kahilingang ito, ang una sa tatlo na bumubuo ng 'Padalhan moa ko ng Rosas ' Novena kay Saint Therese, ay kumuha ng aking atensyon. Nag-iisa ako. Malungkot sa isang bagong lungsod, nananabik para sa mga bagong kaibigan. Nag-iisa sa isang bagong buhay ng pananampalataya, pananabik para sa isang kaibigan at huwaran. Nagbabasa ako tungkol kay Santa Therese, ang pangalan ko sa binyag, nang walang pagsubaybay sa kanya. Namuhay siya sa marubdob na debosyon kay Hesus mula noong siya ay 12 taong gulang at nagpetisyon sa Papa na pumasok sa monasteryo ng Carmelite sa edad na 15. Ang aking sariling buhay ay ibang-iba. Nasaan ang Aking Rosas? Si Therese ay puno ng sigasig para sa mga kaluluwa; nanalangin siya para sa pagbabagong loob ng isang kilalang kriminal. Mula sa nakatagong mundo ng kumbento ng Carmel, inilaan niya ang kanyang panalangin para sa pamamagitan ukol sa mga misyonerong nagpalaganap ng pag-ibig ng Diyos sa malalayong lugar. Habang nakahiga sa kanyang higaan ng kamatayan, ang banal na madre na ito mula sa Normandy ay nagsabi sa kanyang mga kapatid na babae: “Pagkatapos ng aking kamatayan, magpapaulan ako ng mga rosas. Gugugulin ko ang aking Langit sa paggawa ng mabuti sa lupa.” Ang aklat na binabasa ko ay nagsabi na mula noong siya ay namatay noong 1897, pinaulanan niya ang mundo ng maraming grasya, himala, at maging ng mga rosas. "Baka padadalhan niya rin ako ng rosas," naisip ko. Ito ang pinakaunang Nobena na dinasal ko. Hindi ko masyadong inisip ang dalawa pang kahilingan ng panalangin—ang pabor na mamagitan sa Diyos para sa aking intensyon at marubdob na maniwala sa dakilang pag-ibig ng Diyos para sa akin upang magaya ko ang Munting Daan ni Therese. Hindi ko matandaan kung ano ang aking intensyon dahil sa wala kong pagkaunawa sa Munting Paraan ni Therese. Nakatuon lang ako sa rosas. Sa umaga ng ika siyam na araw, nagdasal ako ng Nobena sa huling pagkakataon. At naghintay. Baka mag dadala ng rosas ang isang magbubulaklak ngayon. O baka uuwi ang asawa ko galing sa trabaho na may dalang mga rosas para sa akin. Sa pagtatapos ng araw, ang tanging rosas na tumawid sa aking pintuan ay naka-print sa isang kard na kasama ng isang pakete ng mga pagbating kard mula sa isang orden ng misyonaryo. Ito ay isang matingkad na pula, namagandang rosas. Ito ba ang aking rosas mula kay Therese? Aking Hindi Nakikitang Kaibigan Minsan, nagdasal ulit ako ng Padalhan mo ako ng Rosas Nobna. Laging pareho ang mga resulta. Ang mga rosas ay makikita ko sa maliit, na nakatagong mga lugar; Makaka-kilala ako ng isang taong nagngangalang Rose, makakakita ng rosas sa pabalat ng libro, sa likuran ng isang larawan, o sa mesa ng isang kaibigan. Sa kalaunan, naiisip ko si St. Therese sa tuwing may masisilip akong isang rosas. Siya ay naging isang kasama sa aking pang-araw-araw na buhay. Tinigilan ang Nobena, natagpuan ko ang aking sarili na humihiling sa kanyang pamamagitan sa mga pakikibaka sa buhay. Si Therese ay ang hindi ko nakikitang kaibigan. Nabasa ko ang tungkol sa mas marami pang mga Santo, at namamangha ako sa kanilang mga iba't ibang mga paraan na ang mga kalalakihan, kababaihan, at mga bata ay namuhay ng may marubdob na pagmamahal sa Diyos. Ang pagkaalam sa konstelasyon na ito ng mga tao, na ipinahayag ng Simbahan nang may katiyakan na sila ay nasa Langit, ay nagbigay sa akin ng pag-asa. Sa bawat lugar at sa bawat buhay, kailangang mamuhay nang may kabayanihang kabutihan. Ang kabanalan ay posible kahit para sa akin. At may mga huwaran. Marami sila! Sinubukan kong gayahin ang pasensya ni Saint Francis de Sales, ang atensyon at banayad na paggabay ni Saint John Bosco para sa bawat bata sa kanyang pangangalaga, at ang kawanggawa ni Saint Elizabeth ng Hungary. Nagpapasalamat ako sa kanilang mga halimbawa na nakatulong sa akin. Mahalaga silang mga kakilala, ngunit mas higit si Thérèse. Dahil naging kaibigan ko siya. Isang Panimula Sa kalaunan, binasa ko ang The Story of a Soul, ang sariling talambuhay ni Saint Therese. Sa personal na patotoo na ito ako unang nagsimulang maunawaan ang kanyang Little Way. Iniisip ni Therese ang kanyang sarili espiritwal bilang isang napakaliit na bata na may kakayahan lamang sa maliliit na mga gawain. Ngunit sinasamba niya ang kanyang Ama at ginawa ang bawat maliliit na bagay nang may malaking pagmamahal, at bilang isang regalo para sa Ama na nagmamahal sa kanya. Ang bigkis ng pag-ibig ay mas malaki kaysa sa laki o tagumpay ng kanyang mga gawain. Ito ay isang bagong diskarte sa buhay para sa akin. Ang aking espirituwal na buhay ay nakahinto sa oras na iyon. Baka masimulan ito ng The Little Way ni Therese. Bilang ina ng isang malaki at aktibong pamilya, ang aking kalagayan ay ibang-iba kay Therese. Siguro maaari kong subukang umpisahan ang aking mga pang-araw-araw na gawain na may parehong mapagmahal na saloobin. Sa kaliitan at tagong aking tahanan, gaya ng dating kumbento para kay Therese, maaari kong subukang gawin ang bawat gawain ng may pagmamahal. Bawat isa ay maaaring maging kaloob ng pagmamahal sa Diyos; at sa kalaunan ay pagmamahal para sa aking asawa, sa aking anak, sa kapitbahay. Sa ilang pagsasanay, bawat pagpapalit ng lampin, bawat pagkain na nilagay ko sa mesa, at bawat kargada ng labahan ay naging munting handog ng pagmamahal. Ang aking mga araw ay naging mas madali, at ang aking pagmamahal sa Diyos ay lalong lumakas. Hindi na ako nag-iisa. Sa bandang huli, ito ay tumagal ng higit sa siyam na araw, ngunit ang pabigla-bigla kong paghiling ng isang rosas ay naglagay sa akin sa landas tungo sa isang bagong espirituwal na buhay. Sa pamamagitan nito, nakipag-ugnayan sa akin si Saint Therese. Hinila niya ako sa pag-ibig, sa pag-ibig na siyang pakikipag-isa ng mga Banal sa Langit, sa pagsasagawa ng kanyang "Munting Paraan" at, higit sa lahat, sa higit na pagmamahal sa Diyos. Sa bandang huli ay nakatanggap ako ng higit pa sa isang rosas! Alam mo ba na ang kapistahan ni Saint Therese ay sa Oktubre 1? Maligayang kapistahan sa mga kapangalan ni Therese.
Naglalakad kami ng kaibigan ko sa kalye nang may narinig kaming sumisigaw sa likod namin. Isang galit na toro ang mabilis na umaakay sa kalsada sa di kalayuan, habang ang mga natakot na tao ay nagsisigawan at nagsitakbuhan palayo. “Tumakbo tayo!” Sumigaw ako, ngunit mahinahong sumagot ang aking kaibigan: "Kung magsisimula tayong tumakbo, tiyak na hahabulin tayo nito." Pagkaraan ng ilang sandali, walang natitira sa pagitan namin at ng toro. "Ayan na. Kailangan na tayong tumakbo “Sigaw ko sa kaibigan ko, at sabay kaming umalis. Tumakbo kami nang buong lakas, ngunit hindi kami gaanong nagtagumpay. Sinubukan ng ilang mabubuting tao na hulihin ang toro. Hingal na hingal akong naghintay saglit, umaasang ligtas na kami sa wakas. Sa kasamaang palad, nagpatuloy ang paghabol. Sa isang punto, naalala kong magdasal Tapos, tumigil na lang ako sa pagtakbo. Tumayo ako roon, nakatingin sa toro na patungo sa akin. Nang ilang pulgada na lang ang layo ay huminto ito. Nagkatinginan kami sa mata ng isa't isa. Nakatayo kami doon, magkaharap, ng ilang segundo. Halos hindi ako naglakas-loob na huminga. Pagkatapos, bigla itong nagtungo sa ibang direksyon, iniwan kaming nanginginig. Palagi kong iniisip kung ano ang nangyari sa sandaling iyon. Sino ang maaaring tumayo sa pagitan ko at ng toro? Talagang naramdaman ko ang isang malakas na presensya na nagpoprotekta sa akin mula sa pinsala. Marami sa atin ang patuloy na tumatakas sa takot sa isang bagay. Bihira nating harapin ang ating takot at harapin ito sa makapangyarihang presensya ng Diyos. Madali tayong maging alipin ng mga taga kalmante tulad ng alak, droga, pamimili, pornograpiya, o kahit na labis na pangako sa mga layunin sa karera. Ang paglublob sa madaliang pagnanais na kasiyahan o labis na trabaho upang sugpuin ang ating mga pagkabalisa ay maaaring pansamantalang makagambala sa atin mula sa sakit ng malungkot na pagkabata, hindi nababayarang mga pautang, hindi kanais-nais na mga amo o kasamahan sa trabaho, mga lasing na asawa, hindi kasiya-siyang tahanan, o mga personal na pagkabigo. Ngunit sinisira nito ang ating kakayahang bumuo ng malusog na relasyon. Takot na lumiko sa kanan o sa kaliwa, hinayaan namin ang aming sarili na mag-dulot sa gulat. Paano natin mapapagaling ang ating mga sugat nang hindi nagdudulot ng karagdagang pinsala at makakahanap ng lunas? "Itiningin ko ang aking mga mata sa mga burol - saan manggagaling ang aking tulong? Ang tulong ko ay mula sa Panginoon, na gumawa ng langit at lupa." (Awit 121:1-2). Kapag ikaw ay nababagabag sa anumang uri ng pagdurusa, huminto sa pagtakbo nang walang patutunguhan at humingi ng tulong ng Diyos. Huwag tumingin sa kanan o kaliwa, ngunit tumingin sa Panginoon sa itaas upang mahanap ang pinakamahusay na mga sagot sa iyong mga problema.
Bilang isang duyan na Katoliko, itinuro sa akin na ang pagpapatawad ay isa sa mga pinahahalagahan ng Kristiyanismo, gayunpaman nahihirapan akong isagawa ito. Hindi nagtagal ay naging pabigat ang pakikibaka nang magsimula akong tumuon sa aking kawalan ng kakayahang magpatawad. Sa panahon ng Kumpisal, itinuro ng pari ang kapatawaran ni Kristo: "Hindi lamang niya sila pinatawad, ngunit nanalangin siya para sa kanilang pagtubos." Sinabi ni Hesus: “Ama, patawarin mo sila, sapagkat hindi nila alam ang kanilang ginagawa.” Ang panalanging ito ni Jesus ay naghahayag ng isang kapirasong madalas na napapabayaan. Malinaw na inilalantad nito na ang tingin ni Hesus ay hindi sa sakit o kalupitan ng mga sundalo kundi sa kanilang kawalan ng kaalaman sa katotohanan. Pinili ni Hesus ang pira pirasong sirang bahaging ito upang mamagitan para sa kanila. Ang mensahe ay bumungad sa akin na ang aking pagpapatawad ay kailangang umusbong mula sa pagbibigay ng espasyo sa hindi kilalang mga pira-piraso ng ibang tao at maging sa aking sarili. Mas magaan at mas masaya ang pakiramdam ko dahil dati, eksklusibong nakikitungo ako sa mga alam kong salik—ang pananakit na dulot ng iba, ang mga salitang binigkas nila, at ang pagkawasak ng mga puso at relasyon. Iniwan na ni Hesus na bukas ang pintuan ng pagpapatawad para sa akin, kailangan ko na lang tahakin ang landas na ito ng mapagpakumbabang pagkilala sa hindi kilalang mga pira-piraso sirang bahagi sa loob ko at ng iba. Ang kamalayan ng hindi kilalang mga pira pirasong sirang bahagi ay nagdaragdag din ng mga patong ng kahulugan sa kung ano ang ibig sabihin ni Hesus kapag inanyayahan Niya tayong maglakad nang higit pa. Naisip ko na ang pagpapatawad ay isang paglalakbay na nagsisimula mula sa pagkilos ng pagpapatawad hanggang sa isang tapat na pamamagitan. Ang sandaling ito ng dagdag na milya, sa pamamagitan ng pagdarasal para sa ikabubuti ng mga nakasakit sa akin, ay ang paglalakad ko sa Getsemani. At ito ang aking buong pagsuko sa Kanyang kalooban. Mapagmahal niyang tinawag ang lahat sa kawalang-hanggan at sino ako para maging hadlang sa aking kaakuhan at sama ng loob? Ang pagbubukas ng ating mga puso sa hindi kilalang mga pira-piraso sirang bahagi ay nag-aayos ng ating relasyon sa isa't isa at naghahatid sa atin sa mas malalim na relasyon sa Diyos, na nagbibigay sa atin at sa iba ng daan sa Kanyang masaganang kapayapaan at kalayaan.
Kailan mo huling ipinatong ang iyong mga kamay sa ulo ng iyong anak, ipinikit ang iyong mga mata, at buong pusong nanalangin para sa kanila? Ang pagpapala sa ating mga anak ay isang makapangyarihang aksyon na maaaring humubog sa kanilang buhay sa malalim na paraan. Mga Halimbawa sa Bibliya: "Umuwi si David upang basbasan ang kanyang sambahayan." (1 Kronika 16:43) Itinatampok ng simpleng gawaing ito ang kahalagahan ng pagsasalita ng positibong mga salita sa ating mga mahal sa buhay. Sinabi ng Panginoon kay Moises: “Ganito mo pagpalain ang mga Israelita: ‘Pagpalain ka at ingatan ka ng Panginoon; paliwanagin ng Panginoon ang Kanyang mukha sa iyo at maging mapagbiyaya sa iyo; iharap sa iyo ng Panginoon ang Kanyang mukha at bibigyan ka ng kapayapaan.’” (Bilang 6:22–26) Ang mga salitang ito ay nagpapahiwatig ng proteksiyon, pagsang-ayon, at kapayapaan ng Diyos. Paghihikayat at Pagdakila: Kapag pinagpapala natin ang isang tao, hinihikayat natin sila, pinalalakas sila ng positibong pagpapatibay. Kasabay nito, dinadakila natin ang Diyos sa pamamagitan ng pagkilala sa Kanyang kabutihan at biyaya. Ang mga pagpapala ay lumikha ng isang positibong kapaligiran kung saan ang mga bata ay nakadarama ng pagmamahal, pagpapahalaga, at seguridad. Pagbibigay ng Pagkakakilanlan: Ang mga pagpapala ay nakakatulong sa paghubog ng pagkakakilanlan ng isang bata. Kapag ang mga magulang ay nagsasalita ng mga pagpapala sa kanilang mga anak, pinagtitibay nila ang kanilang pagiging karapat-dapat at layunin. Isinasaloob ng mga bata ang mga mensaheng ito, dinadala ang mga ito hanggang sa pagtanda. Ang Kapangyarihan ng mga Salita: Sa isang pag-aaral ng pagganap ng koponan, natuklasan ng Harvard Business School na ang mga koponan na may mataas na pagganap ay nakatanggap ng halos anim na positibong komento para sa bawat negatibong komento. Ang mga pagpapala ay higit pa kaysa sa mga positibong komento. Kapag pinagpapala natin ang isang tao, ipinapahayag natin ang katotohanan sa kanila—ang katotohanan ng Diyos! Ang mga bata ay parang mga espongha, sumisipsip ng mga mensahe mula sa kanilang kapaligiran. Sa pamamagitan ng pagpapala sa kanila, nagbibigay tayo ng panimbang sa mga negatibong impluwensyang nararanasan nila. Bilang mga magulang o tagapag-alaga, may pananagutan tayong pagpalain ang ating mga anak—magsalita ng nagbibigay-buhay na mga salita na nagpapatibay sa kanila sa emosyonal, espirituwal, at kaisipan. Maging maingat na huwag sumpain sila nang hindi sinasadya sa pamamagitan ng mga negatibong komento o nakakapinsalang saloobin. Sa halip, sadyang pagpalain sila ng pagmamahal, pampatibay-loob, at katotohanan ng Diyos.
Want to be in the loop?
Get the latest updates from Tidings!